Grupa “Laimas Muzykanti” pīduovoj video dzīsmei “Putni”, kas radeita sadarbeibā ar dzīduotuoju Īvu Akurateri.

Vosorā, kod dzīsme pyrmūreiz tyka pīduovuota klauseituojim, grupys liders Artūrs Uškāns portalam parmuziku.lv stuosteja, ka itūgod “Laimas Muzykanti” izdūmuojuši atsasaceit nu apzeimiejuma “etnoroka grupa”, partū ka jūs aranžiejumi ir dažaidi.

Dzīsme tyka radeita piec tam, kod Īva Akuratere nūdzīduojuse Artūram jam da šam nadzierdātu tautysdzīsmi. Kai piec tam saceja ari poša Akuratere, jei dūmoj, ka tei nav pādejuo dzīduotuojis sadarbeiba ar grupu “Laimas Muzykanti”.