Mārgu grupa “Piparmētra” pīduovoj klauseituojim sovu jaunuokū dzīsmi “Spējāk”. 

Dzīsmis muzykys autoris ir vysys sešys grupys dalineicys, nu teksta autors – Fjodors Tjučevs (atdzejuojs Andris Vējāns).

Grupā “Piparmētra” apsavīnuojušys 6 školysbīdrinis, kas sasatyka Īlyukstis bārnu i jaunīšu centrā, kur piec gitarspēlis pamatu vuiceišonuos tyka nūdūmuots dybynuot grupu. Grupā muzicej: Adelīna Olehnoviča (bass), Amanda Lapa (gitara, bolss), Jana Dudare (bolss), Lonija Kakeševa (tausteni), Megija Pabērza (bungys), Elza Timšāne (gitara). Īsatekmejūt nu taidu grupu kai “Prāta Vētra”, “The Beatles”, “The Rolling Stones” i cytu, teik na tik izpiļdeitys itūs grupu kaverversejis, nu ari radeitys sovys originaldzīsmis.

Grupa ir sajāmuse lobus panuokumus vairuokūs jaunūs grupu konkursūs, kai ari sajāmušys Latgalīšu kulturys goda bolvu “Boņuks 2016” kategorejā “Goda debeja muzykā”. Grupa “Piparmētra” elektroniski izdavuse ari mozalbumu “Slāpes“, kurymā īkļautys pīcys dzīsmis.