Koč i daudzi ļaužu nu Latgolys aizbrauc iz Reigu ci uorzemem, itamā reizē raidejuma “Pi myusim Latgolā” gosts ir pīvadums tam, ka ļauds rauga i atsagrīzt. Itūreiz Tenis Bikovskis sasatyka ar Armandu Kūceņu, kurs paspiejs īpazeit pasauli, nu taipoš planavoj atsagrīzt Latgolā.

Sovūs studenta godūs Armands Kūceņš izdeve gazetu “Graidi” latgalīšu volūdā. Kūpā ar Ansi Ataolu Bierzeņu jis izveiduojs baļtīšu-latgalīšu vuordineicu, kas daīmama škārsteiklā.

Armands Kūceņš ir poliglots, kurs puorzyna vaira kai 10 volūdys, sovpus par vysumeiluokū jis sauc latgalīšu volūdu. Pasasokūt Armandam, latgalīšu volūdā darynuoti jauni vuordi i nu latgalīšu vuordu kruojuma napagaist vacvuordi.