Roksta autors: portals lakuga.lv

Sagaidūt Latvejis vaļsts symtgadi i Dzīšmu i daņču svātkus, sabīdreibā aug interese par latvīšu tautystārpim. Kaids tū pierk ci pasyuta pi meistarim, cyti izgatavej poši. Kab tārps saītu piec īspiejis autentiskuoks, tuo paraugi i pīroksti teik maklāti muzejūs i cytuos senejūs līceibu kruotuvēs. Tim, kas grybēja izgataveit Vydmuižys tārpu, dasaguoja viļtīs, jo par Vydsmuižys tārpu nabeja sasaglobuojs pītekamai līceibu. Tautystārpu pietneicai Ieva Pīgoznei izadevs atrast līceibys par Vydsmuižys sīvys tārpu. Tū rekonstruiejuse tautystārpu izgataveituoja Iveta Seimanova. Rekonstruātuo tārpa gūdynuošona nūtiks 14. aprelī 13.00 stuņdēs Gaļānu Kulturys nomā.

Muokslys zynuotņu doktore Ieva Pīgozne pasuokumā stuosteis par latvīšu tautys tārpa atteisteibu laika gaitā i tārpa komplektacejis īspiejom. Kai ari kluotasūšī varēs vaira dazynuot par Vydsmuižys sīvys tārpa rekonstrukceju i apsavērt tū kluotīnē. Meistare Iveta Seimanova tārpa rekonstrukcejai ir pīguojuse cīši atbiļdeigi, izmontojūt autentiskys metodis – dzejis kruosuotys ar dobys kruosvīlom, tārps piļneibā šyuts ar rūkom i c. I. Seimanova ir darynuojuse ari cytu pogostu tautystārpus. Pasuokumu kuplynuos vītejuo folklorys kūpa.