27. aprelī, pīktdīņ, pi Rēzeknis Centraluos bibliotekys nūtiks Latgolys kongresa dīnai veļteita zibakceja, informej bibliotekys puorstuove Ruta Suseja.

Zibakcejis “PA -runuosim, -raksteisim, -dūmuosim LATGALISKI” mierkis ir atguodynuot par svareigim Latgolys viesturis nūtykumim i izceļt latgalīšu volūdu kai nūzeimeigu i eipašu latgaliskuos identitatis sastuovdaļu. Zibakcejis suokums 11.30 stuņdēs pi Rēzeknis Centraluos bibliotekys. Akcejis laikā varēs īpazeit 2017. godā vysvaira skaiteituokuos latgalīšu gruomotys Rēzeknis Centralajā bibliotekā, taipoš iz trotuara tiks raksteiti latgalīšu dūmugryudi, varēs atkuortuot zynomūs i īsavuiceit jaunus latgalīšu volūdys vuordus.