Jaunīšu festivals “Artišoks” nūteik Daugovpilī kotra goda pyrmajā septembra sastdīnē. Itūgod tys nūtiks 1.septembrī nu plkst. 15.00 leidz 22.00 Dubrovina parkā.

Festivals teik reikuots, kab īpazeistynuotu jaunīšus ar īspiejom lītdereigi i interesanti pavadeit breivū laiku, atbolstūt vysaidys interesis, radūšū pīeju i aktivu dzeivis veidu. Leidz šam festivalā ir pīsadaliejuši ari dalinīki nu cytom Latgolys i Latvejis piļsātom i ari festivala draugi nu uorzemu.

Jaunīšu festivala “Artišoks” princips ir ideju darbneica: jaunīšu subkulturu, navalstiskūs organizaceju, sporta sekceju i c. puorstuovu stuosti par sovom organizacejom, akcentejūt daiļradi i energeju.  Pasuokuma atmosferu nūdrūsynoj dažaidu jaunīšu organizaceju aktivitatis, radūšuos darbneicys, prīkšnasumi i miestarklasis, muzyka i tt.

Pīsasaceit daleibai festivalā var leidz 2018.goda 6.augustam, aizpyldūt Pieteikuma anketa_ Artišoks 2018 i nūsyutūt iz e-posta adresi arturs.popovs@daugavpils.lv voi zvonūt pa tuolr. 26075318 voi 65422309.