Roksta autors: Latgolys entuziastu grupa “Biļdis”

Lubuonīte Bronislava Martuževa ir naatkuortojama personeiba sovā dziļumā, vīnkuoršumā i vīdumā, sovys dzeivis raksteituoja dzejā i dzīsmēs. Juos padareitais i aizsuoktais naapseikst, teik turpynuots piec lobuokuos sirdsapzinis Bronislavys Martuževys fonda “Rakstītāja” dorbūs.

Kai Latgolai nūzeimeigu personeibu raidejuma veiduotuoji sateik paguojušuo godu symta 80.–90. godu Latvejis Radejis korespondentu Latgolā, radejis “Brīvā Eiropa” raidejuma “Latgolas Bolss” leidzstruodnīku i žurnalistu Jūliju Tropu.

Latgolys kulturtelpys aktualitašu sadaļā teik turpynuots īskots 6. novembrī nūtykušajā 13. Saeimys sēdē, atspīgelejūt Latgolys deputatu Edmunda Teirumnīka (VL-TB/LNNK) i Ivana Ribakova (Saskaņa) redzīni par veicamajim dorbim.

Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu.