Rokstu sagataveja: portals lakuga.lv

Vokaluo grupa “Skonai” klauseituoju viertiejumam pīduovoj jaunu singlu – latgalīšu tautysdzīsmi “Ūsi, ūsi”.

Pavasari sagaidūt, vokaluo grupa “Skonai” klauseituojim duovynoj jaunu singlu “Ūsi, ūsi”. Kompoziceja viestej par ūša vareneibu i spāku – taidu, kas stuojās pretim untumainim viejim i nažieleigom vātrom. Ūss kolpoj kai metafora cylvākam, kurs, pasateicūt sovom saknem, puorvar gryuteibys i apsazynoj sovu spāku. “Skonai” cer, ka kompoziceja klauseituojim dūs vareibu koč iz šaļteņu teišom byut te i niu, partū ka tys ir tik svareigi, kab atrast eistū vīnuoteibu pošam ar sovu vyda pasauli.

Īrokstu aranžiejs i produciejs Gints Stankevičs (“Factory Sounds Studio”), bet par publicitatis foto pasaryupejuse fotografe Sintija Sandore. Dzīduotuoju tārpi nu “VelgaCode”.