Pi klauseituojim ir atguojuse trešo latgalīšu dzīsmineicys Laurys Bicānis dzīsme, kuru jei īsnīguse projektam „Jauna slavas dziesma”.

Dzīsme „Kungs, no sirds vēlos”, kurys muzykys i vuordu autore ir poša Laura, aicynoj nu Dīva lyugt gudreibu ik dīnys. Dzīsme roda afrikanisku nūskaņu, tai īnasūt slavys dzīšmu repertuarā jaunys nūkruosys. Gaideisim ari cytys projekta dzīsmis i cerēsim, ka projektā itūgod tiks īsnīgts arviņ vairuok slavys dzīšmu latgalīšu volūdā.

Projekta „Jauna slavas dziesma 2012” laikā tyka īraksteita ari Laurys dzīsme „Mīlesteiba” ar vuordim nu Svātūs Rokstu, kas ir pyrmuo pīlyugsmis dzīsme latgaliski itamā projektā. Pavysam projektam Laura beja īsnīguse četrys dzīsmis.

Divejis īprīkšejuos Laurys dzīsmis „Mīlesteiba” i „Tēvs, slāpstu” vari nūsaklauseit ari LaKuGā.

Foto: Ekransuovīņs nu klipa “Kungs, no sirds vēlos”
Ziņu sagatavēja: LaKuGa