Krysteiguos slavys i pīlyugsmis dzīšmu projektā pyrmū reizi īraksteita dzīsme latgaliski

Krysteiguos slavys i pīlyugsmis dzīšmu projektā pyrmū reizi īraksteita dzīsme latgaliski
Projekta “Jauna slavas dziesma 2012” ītvorūs īraksteita latgalīšu dzīsmineicys Laurys Bicānis dzīsme “Mīlesteiba” ar vuordim nu Svātajim Rokstim (Apustula Puovula viestule korintīšim, 13. nūdaļa).

Dzīsmi Laura izpylda kūpā ar Lanu Ludiņu. Īroksts sataiseits sadarbeibā ar Valda Indrišonoka studeju Līpuojis rajona “Kurzemes Pērlē”.

Itei ir pyrmo pīlyugsmis dzīsme latgalīšu volūdā itymā projektā. Laura projektam īsnīdze četrys dzīsmis. Puorejuos treis vēļ tūp.

Projekts “Jauna slavas dziesma”  ir storpkonfesionala, nakomerciala rakstura iniciativa apzynuot i popularizēt īprīšk naīraksteitys kristeigys slavys i pīlyugsmis dzīsmis vysā Latvejā. 2011. goda vosorā tyka īraksteitys 11 dzīsmis, kurom sekuoja vēļ 56, kurys izadeve īraksteit 2012. goda augustā i tuos var apsavērt youtube kanalā Jauna Slavas Dziesma. Par dzīšmu izmontuošonu, notom, akordim voi cytu informaciju lyugums raksteit jauna.slavas.dziesma@gmail.com voi zvaneit 29105168

Aicynuojums – tim, kas gryb dasaceit sovys dzīsmis voi kristeiga rakstura dzeju 2013. goda projektam, lyugums dūt ziņu, rokstūt jauna.slavas.dziesma@gmail.com voi zvonūt 29105168.

Vaira informacejis http://jaunaslavasdziesma.bandcamp.com/

Print Friendly, PDF & Email

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]