17. septembrī suoksīs Daugavpiļs nūvoda dīnys – 13 stuņdēs Vabalis pogosta kulturys nomā, Skryndu dzymtys muzejā nūtiks tradicionalūs omotu dīna „Maizeit` muna boguoteiba”. Nu 20. leidz 21. septembrim Naujenis Nūvodpietnīceibys muzejā bez moksys varēs apsavērt jaunizveiduotū ekspoziceju.

21. septembrī pi Daugavpiļs nūvoda dūmis ākys nūtiks Latgolys amatnīku festivals. Tymā pīsadaleis omotu meistari nu Latvejis i Lītovys, byus Latgolys tematiskī cīmi, rodūšuos darbneicys, amatnīku paraugdemonstriejumi, atrakcejis ar balvu fondu, garuokuos bizis peišona i c.

Pasuokuma laikā uzastuos Rūžupis kulturys noma folklorys kūpa „Rūžupis veiri”, grupa „Patrioti.ltg”, Daugavpiļs nūvoda Kulturys centra tautys deju ansamblis „Līksme”, videjuos paaudzis deju kolektivs „Līksme”, Rēzeknis zaļūs pakolnu kors i grupa „Bez PVN”.

Ziņu sagataveja: LaKuGa piec organizatoru informacejis