Svātdiņ, 24. augustā, saimis teik aicynuotys pīsadaleit Saimu sporta festivalā Rēzeknis piļsātys pludmalē pi Kovšu azara. Pasuokumā kotra – i lela, i moza – sportuotgrybūša saime varēs paraudzeit sovys spākus vysaiduos sportiskuos aktivitatēs.

Dalinīkus mudynuos sportuot festivala eipašuo gaška – Olimpiskūs spēļu, Pasauļa i Eiropys čempionatu dalineica Aiga Grabuste.

Saimu sporta festivala atkluošona nūtiks 12.00. Tuo laikā byus vareiba pīsadaleit aizraujūšuos i atraktivuos sportiskuos aktivitatēs vysai saimei – byus vareiba spielēt i jau īrostys, i pavysam jaunys. Eipašais pasuokuma puorsteigums – Burbuļbola turnirs!

Festivala dalinīks tiks izaicynuoti puorspēt īprīkšejuo Saimu sporta festivala dalinīku sasnāgumus 19. julī, Neretā, kurā ostoņgadeiguo Endija Kapele rūku salīkšonu i iztaisnuošonu bolstā guļus veice 41 reizi minota laikā, Mārtiņš Dubovskis (16 godi) – 53 reizis, Kristaps Skrupskis (32 godi) – 56 reizis.

Saceņseibuos var pīsadaleit saimis, kuruos ir vysmoz vīns pīaugušais i vysmoz vīns bārns – garlaiceigi nabyus ari jaunuokim sportuotgrybātuojim. Partū aicynuots sevkurs, partū ka leidza vajadzeigs viņ ārtys drēbis i gribiešona aktivai atsapyust.

Ar festivala nūlykumu var īsapazeit ite.