Muokslys studentu izstuode Leivuonā
Da februara beigu Leivuonā, Latgolys muokslys i omotnīceibys centrā apsaverama Latvejis Muokslys akademejis Latgolys filialis studentu kūpeiga dorbu izstuode “Atvērts”.
Izstuodē apsaverami desmit studentu gleznīceibys, grafikys, tekstilmuokslys i vidis dizaina dorbi, kas radeiti 2013./2014. studeju goda laikā. Daļa nu jaunūs muokslinīku ar izstuodē eksponietajim dorbim puorstuovejuši Latveju plošā storptautyskā izstuodē – konkursā “ART-SESSIO 2014” Vitebskā, Boltkrīvejā. Pīcu vaļstu konkureņcē, kas beja puorstuovātys kūpā jemūt ar 267 jaunūs muokslinīku dorbim, Latvejis Muokslys akademejis Latgolys filialis bakalaura programys Grafikys apakšnūzaris 2. kursa studenti Nauris Jefimenoks i Dana Vasiļjeva, kai ari Gleznīceibys apakšnūzaris 3. kursa studente Viktorija Rustamova izceinejuši laureata titulu. Izstuodē apsaverami ari Latgolys filialis bakalaura programys Gleznīceibys i Grafikys apakšnūzaru 2014. goda diplomdorbi, kas tyka teicami aizstuovāti Reigā paguojušuo gods 3. junī.
Izstuode apsaverama da 28. februara.
