Muokslys studentu izstuode Leivuonā

Muokslys studentu izstuode Leivuonā

Da februara beigu Leivuonā, Latgolys muokslys i omotnīceibys centrā apsaverama Latvejis Muokslys akademejis Latgolys filialis studentu kūpeiga dorbu izstuode “Atvērts”.

Izstuodē apsaverami desmit studentu gleznīceibys, grafikys, tekstilmuokslys i vidis dizaina dorbi, kas radeiti 2013./2014. studeju goda laikā. Daļa nu jaunūs muokslinīku ar izstuodē eksponietajim dorbim puorstuovejuši Latveju plošā storptautyskā izstuodē – konkursā “ART-SESSIO 2014” Vitebskā, Boltkrīvejā. Pīcu vaļstu konkureņcē, kas beja puorstuovātys kūpā jemūt ar 267 jaunūs muokslinīku dorbim, Latvejis Muokslys akademejis Latgolys filialis bakalaura programys Grafikys apakšnūzaris 2. kursa studenti Nauris Jefimenoks i Dana Vasiļjeva, kai ari Gleznīceibys apakšnūzaris 3. kursa studente Viktorija Rustamova izceinejuši laureata titulu. Izstuodē apsaverami ari Latgolys filialis bakalaura programys Gleznīceibys i Grafikys apakšnūzaru 2014. goda diplomdorbi, kas tyka teicami aizstuovāti Reigā paguojušuo gods 3. junī.

Izstuode apsaverama da 28. februara.

4485 (1)

Print Friendly, PDF & Email

Nūtikšonu kalendars

Apr
16
Pīk
14:00 Profesoris Lidejis Leikumys lekc... @ Tīšsaitē
Profesoris Lidejis Leikumys lekc... @ Tīšsaitē
Apr 16 @ 14:00
Profesoris Lidejis Leikumys lekceja "Sibīrijas latgalieši un viņu valoda" @ Tīšsaitē
Kruoslovys nūvoda centraluo biblioteka aicynoj iz Latvejis Universitatis profesoris i viesturneicys Lidejis Leikumys lekceju par Sibira latgalīšim – “Sibīrijas latgalieši un viņu valoda”.
Apr
19
Pyr
16:00 Imanta Magones atceris pasuokums @ Tīšsaitē
Imanta Magones atceris pasuokums @ Tīšsaitē
Apr 19 @ 16:00
Imanta Magones atceris pasuokums @ Tīšsaitē
Bolvu Centraluo biblioteka 19. aprelī aicynoj iz horeografa Imanta Magones atceris pasuokumu.