Ruguojūs i Saļņovā gasteis Baļtinovys dramatiskais kolektivs “Palādas” (papyldynuots)
????????????????????????????????????
30. janvarī 14.00 Ruguoju tautys nomā tiks ruodeita Baļtinovys dramatiskuo kolektiva “Palādas” komedejis “Ontans i Anne” 3. daļa “Ontans izaklaidej”. Sovukuort 19.00 kolektivs gasteis Saļņovys kulturys nomā ar Ontana i Annis pīdzeivuojumu 4. daļu “Ontana tragedeja”.
Izruodē “Ontans izaklaidej” Anne ar etnografiskū ansambli aizbrauc iz festivalu Reigā. Ontans ar Pīteri suoc baudeit dzeivi piec sova pruota, tok izklaide pasagrīž nagaideitā vierzīnī. Īīšonys moksa – 3 eiro.
“Ontana tragedejis” sižets viestej, ka Anne vuicuos ceļu satiksmis nūteikumus, kab varātu vadeit laimātū mašynu, partū ka Ontans nagryb byut par šoferi, tok iecere puorsavierš dziļā tragedejā obejom pusem.
