25. augustā Rēzeknis Centraluos bibliotekys laseitovā nūtyka literaturys almanaha “Olūts” 21. laidīņa i 2017. goda “Tāvu zemes kalendara” attaiseišonys svātki, informej Rēzeknis Centraluos bibliotekys puorstuovs Artūrs Bondars.

Pasuokumu reikuoja Latgolys Kulturys centra (LKC) izdevnīceiba sadarbeibā ar Rēzeknis Centralū biblioteku. Svātkūs pīsadaleja LKC izdevnīceibys vadeituojs Juoņs Elksnis, Rēzeknis dūmis deputats Juoņs Krišāns, Latgolys kulturys i sabīdryskais darbinīks Pīters Keišs, autori: Elvīra Pinka, Ilzīte, Vladislavs Malahovskis, Leonards Rakitskis, Pīters Akuls, Voldemārs Voguls, Pīters Meikstums i cyti. Kluotyn beja ari medeju i goreidznīceibys puorstuovi, kai ari piļsātys i regiona biblioteku i akademiskī puorstuovi, skaiteituoji i cyti apmaklātuoji. Ar muzykalim prīšknasumim atguojušūs prīcynuoja folklorys kūpa “Rūta”.

Itī dorbi, taipat kai ari daudzi cyti LKC izdevnīceibā izdūtī, teik īspīsti latgalīšu volūdys vacajā ortografejā. Ari prezentacejis laikā daudzi saguojušī pastreipuoja vajadzeibu saglobuot i pīsaturēt pi Pītera Stroda izstruoduotuos ortografejis.

Prezentaceju laikā tyka runuots ari par Vitebskys latvīšu 1917. goda kongresa lāmumu i planavuotuom symtgadis pīminiešonys nūtikšonom, pastreipojūt tū, ka latgalīši vysod ir bejuši daļa nu latviešu.

Pasuokuma laikā varēja īsaguoduot jaunuokuos Latgolys Kulturys centra izdevnīceibys gruomotys.

Skaiteit vaira par jaunuokuo “Olūta” saturu

Skaiteit vaira par jaunuokuo “Tāvu zemes kalendara” saturu