Izdūts 21. literaturys almanahs “Olūts”

Izdūts 21. literaturys almanahs “Olūts”

Oluts-21_vaksLatgolys Kulturys centra izdevnīceibā izguojs 21. literaturys almanahs “Olūts”, viestej izdevnīceibys sātys lopa

Itūgod almanahā publicāti Rūdolfa Linuža, Jūlija Truopa, Romona Spaitāna, Ingunas Būmanis-Lūsis, Magdalenys Vjateris, Diānys Varslavānis, Elvīrys Pinkys, Voldemāra Vogula, Ilzis Keišys, Normunda Dimanta, Marutys Avramčenko, Ivetys Dimzulis, Juoņa Blaževiča, Pītera Meikstuma, Leontīnis Apšeniecis, Ontona Kreica, Laimys Ločmelis, Guntys Lapiņys, Leigys Andronovys, Janys Čeveris, Māreitis Krasnobajis, Elvīrys Lavrinovičys (Melnis), Laurys Stepiņys, Vitys Viļumys, Genovefys Ragaušys, Helenys Laurinovičys-Pronevskys, Pītera Zeilis, Eleonorys Tjarvis, Leonarda Rakicka, Evijis Vasilevskys i Paula Jureviča dorbi.

Gruomotys izdūšonu atbaļstejs Vaļsts kulturkapitala fons, uzjiemiejs Juoņs Blaževičs i Rēzeknis piļsātys pošvaļdeibys agentura “Rēzeknes Kultūras un Tūrisma centrs”.

“Olūts” ir regulars latgalīšu izdavums, kura žanriskais saturs aptver prozu, dzeju, literaturkritiku, publicistiku i biografeju. Literaturys almanaha izdūšona suocēs vuocu okupacejis laikā – 1943. i 1944. godā V. Luoča izdevnīceibā izguoja pyrmī seši “Olūta” numeri. Septeitais numers izguoja jau trymdā – Rītumvuocejā 1947. godā. Piec Latvejis naatkareibys atgiušonys, suocūt ar 1992. godu, “Olūts” izīt Latgolys Kulturys centra izdevnīceibā.

Print Friendly, PDF & Email

Kalenders

May
25
Sai
19:00 Grupys “Raxtu Raxti” i “Sinfonie... @ koncertzāle "Lielais Dzintars"
Grupys “Raxtu Raxti” i “Sinfonie... @ koncertzāle "Lielais Dzintars"
May 25 @ 19:00 – 21:00
Līpuojis koncertzālis pavasara sezonys nūslāgumā iz leluos skotivis varēs pīdzeivuot eipašu mageju, kū veiduos mejīdarbeiba tautys i akademiskuos muzykys vydā – grupa “Raxtu Raxti” i kamerorkestris “Sinfonietta Rīga” dirigenta Normunda Šnē vadeibā. Kūpeigajā koncertprogramā skanēs[...]
19:00 Leluo Latgolys zaļumballe @ Lūznovys muiža
Leluo Latgolys zaļumballe @ Lūznovys muiža
May 25 @ 19:00 – 23:00
Zaļumballi īskandynuos grupa “TRIO Rāzna +”, bet vokora ūtrajā daļā apmaklātuojus energiski i skaneigi izklaidēs grupa “Stradivari”.   Īīšonys moksa 4,00 eiro.   Biletis “Biļešu paradīzes” kasēs i Lūznovys muižā.