Rokstu sagataveja: portals lakuga.lv

Izguojs žurnala “A12” 2021. goda juņa/juļa numers, kurymā itūreiz var puorskaiteit sarunu ar muziki i komponisti, vokaluos grupys “Latvian voices” vadeituoju Lauru Jēkabsoni, izzynuot, kai Akminīšūs niu saiminīkoj Evija Vasilevska, car žurnala puslopom gasteit Latgolys “Siguldās”, kai ari īpazeit cytus ļauds i vītys.

Juņa/juļa žurnala “A12” numera redaktore Inga Čekša-Ratniece atzeist, ka itūreiz sarunuos ar latgalīšim vaira atziņu par itū vaira nikai godu garū “viesturiskū puordūmu laiku”.

Juņa/juļa žurnala “A12” numerī skaitit:

• par tū, kaids itys pūsmys ir muzikei i komponistei Laurai Jēkabsonei, kurei zyna – byut ceļā jai ir svareigi, koč itūšaļt tuo īrostī lūki nasaīt;
• ceļazeimis, kas līcynoj, ka esi pareizajā vītā aba muokslys viesturneicys Evijis Vasilevskys dzeive Akmineišūs;
• ari Latgolai ir sovys “Siguldys” – par tū uzjiemeigūs jaunīšu Dacis i Artura de Vaļdenu stuostā;
• par ļaušonūs dzeivis paviersīnim i dorbu radejā saruna ar Latvejis Radejis Latgolys multimedeju studejis producenti Karinu Važnaju;
• viesturiskys skots iz Ludzu i kadri nu Varnaviču;
• īdviesmei paraudzeit braukt ar laivu itymā vosorā – Ivara Matisova leikumuotais ceļuojums pa Maltys upi.

Taipat žurnalā daudzi cytu stuostu, kurūs vydā puorskaitoma informaceja par jaunuokajom gruomotom i muzykys izdavumim, kas kai jau īrosts tūp sadarbeibā ar latgalīšu kulturys ziņu portala lakuga.lv redakceju.

Vaira informacejis par žurnalu a12.lv.