Rokstu sagataveja: portals lakuga.lv

Aņšam Ataolam Bierzeņam, kurs zynoms kai folklorys kapelys “Maskačkys spieļmani” vadeituojs, izguojuse jauna dzīsme – “Žuguris pereklis”, informej pats muziks.

Kai gondreiž vysys autora dzīsmis, i itei dzīduota garmanis pavadejumā, a aranžejumā īvadynuoti i cyti instrumenti. Tok, kai soka Aņss, itūreiz tei ir balade ar viesturisku stuostu. Pyrmū raizi koncertā dzīsme spieļuota aizpārņ Borkovā, a niu i īraksteita. “Dzīsme paškierta (veļteita – red. pīz.) teiklim, jūs voldam i juo olgom, stuburim i stuļpim, žugurem i štorkim, elektreibai i juos cenom, i golvonais – sprostim (vīnkuoršim – red. pīz.) dzeraunis ļaudim,” viestej Aņss Ataols Bierzeņš.

Dzīsmis vuordi atrūnami Aņša Ataola Bierzeņa sātys lopā: ansis.lv