Laurai Bicānei jauna dzīsme latgaliski – “Pa vysu zemi”
Rokstu sagataveja: portals lakuga.lv
Dzīsmineica Laura Bicāne klauseituojim pīduovoj jaunu dzīsmi latgaliski – “Pa vysu zemi”. Ari itūreiz tuos pamatā ir Svātūs rokstu vuordi.
Dzīsmineicis Laurys Bicānis dailradē lelu lūmu spielej Svātūs rokstu vuordi. Jei soka, ka psaļmi eipaši pasaļaun tūs īkļaušonai dzīsmēs. Niu daguojuse kuorta 19. psaļmam, nu kuruo jei pajāmuse pyrmuos ryndys.
Zeimeigai, ka dzīsmis īrokstā pīsadalejuse ari latgalīšu vejūļneica Aija Nagle-Īzāka, kas pastuoveigai dzeivoj Amerikā, Teksasys štata Hjūstonā. Laura, kura ar saimi dzeivoj Vuocejā, soka: “Dīva breinumdorbi vīnoj na viņ dabasus un zemi, bet ari latgalīšus, izkaiseitus pa pasauli.”
Itūgod Laura jau beja publicējuse vīnu jaunu dzīsmi par Kristus augšamceļšonūs – “Ceļā uz Emmausu”.
