TESTS: pabeidz Juoņa dīnys ticiejumus i dainys
Rokstu sagataveja: Amanda Anusāne, portals lakuga.lv
Pyrma Juoņa dīnys portals lakuga.lv sovim skaiteituojim pīduovoj puorbaudeit zynuošonys tautys gudreibuos – atminēt iztryukstūšū vuordu kaidā dainā ci ticiejumā. Taipat itūs sokomūs drūsai vari izmontuot Juoņa dīnys apsveikumā. Lai tev ļusteiga leiguošona!
Rezultats
#1.
Lai byutu pīna daudz, tod Juoņu nakti juoizslauc ūtra saiminīka gūvs. /C. Apšenieks, Bierzpiļs/
#2.
Juoņa dīnys vokorā iz vuortim juolīk vaca veize, lai rupuči nalāktu klāvā i nazeistu gūvi. /A. Ancāns, Aglyuna/
#3.
Jaunom meitom Juoņa dīnys vokorā juonūvej vaiņuks, juoapmauc lobajā rūkā i juoguļ duorzā. Ka redzēs sapynā, kas jai tū vaiņuku nūmauks, tys apprecēs. /T. Nagle, Varakļuoni/
#4.
Juoņa dīnys vokorā vajag nu smolkom nuotrem nūpeit deveņus vaiņukus i deveņus nu ceļmiņu, vysus vaiņukus palikt zam golvys, tod nakti var redzēt sapynā, kaids byus veirs. /A. Gari-Jone, Drycāni/
#5.
Juoņam sīva izgaisuse
Juoņa nakti kuodeiluos
Iz Petrovu* atsarode
Paparziešu kryumenī
/Veronika Soldans, Mērdzine/
Petrova – Pīterdīna
#6.
Juoņa dīnā kaida meita apsasadz ar pologu i skrīn pa teirumu ar slauktivi rūkā da saulis liekšonai. Giun rosu i svīž slauktivē. Atīs sātā, dūs vairuok pīna gūs. /Dominieka Akmene, Dubna/
#7.
Ap Juona dīnu juoleigoj, lai labeiba veldrē nakrystu. /Broņa Ļubka, Nautrāni/
#8.
Kura guļ Juoņa nakti,
Myužam veira nadabuos;
Es leiguoju Juoņa nakti,
Maņ byus kuozys šūrudiņ.
/LD 33181,3/
#9.
Es jums soku, jauni puiši,
Juoņa nakti nagulit:
Ka gulēsit Juoņa nakti,
Tod dabuosit vacys sīvys.
/LFK 1269, 52/
#10.
Juoņa dīnys vokorā, ni vuorda nasokūt, nu trejdeveņom pučeitem juonūvej vaiņuks i ar tū golvā izlyktu juoguļ. Kas sapynā nūjims vaiņuku, tys byus bryuguons. /T. Beča, Preili/
