Rokstu sagataveja: portals lakuga.lv

Itūnedeļ Latgolā sagaidoma muokslinīcyska nedeļa, kurū varēs nūslēgt iz ļusteiguokys notys – ar zaļumballi Bolvu nūvoda Ruguojūs. Kulturys īsacejumus tai sagatavejuse komunikacejis specialiste Brigita Birkova. Jei aicynoj apmeklēt kai muokslys pasuokumus, tai īsaklauseit dažaidu tautu literaturā.

Dūmys liduojums Rēzeknē

Ka gribi pasaceļt viers kasdīnys klopotu i liduot nadaudz augšuok par zemi, tod storptautyskais muokslinīku pleners “Domas lidojums” ir vīta, kur tys īspiejams. Nu 21. da 26. juļa Rēzeknē variesi vāruot pleneru dalinīku dorbuošonūs i muokslys izstuodi. Plenera nūslāgums gaidoms 26. julī Latgolys Kulturviesturis muzejā, kur byus vareiba redzēt Latgolu nu dažaidu muokslinīku skotpunktu.

Ukraiņu literatura Latgolā

24. julī Rēzeknis Centralajā bibliotekā nūtiks Ukrainys literaturai veļteita piecpušdīne. Pasuokumu organizej tulkuotuoja Māra Poļakova, kura vadeis tulkuošonys darbneicu i piečuok kūpā ar literati Ligiju Purinašu runuos ari par latgalīšu volūdu i literaturu. Vīnreizeiga vareiba apvīnuot divejus svareigus pasauļus i volūdys.

Zaļumballe Ruguojūs

Lai nūslāgtu nedeļu i atpyutynuotu pruotu, 25. julī Bolvu nūvoda Ruguojūs varēs izlūceit kuojis daņčūs ar grupu “Zelta kniede”. Ļusteigi meļdeni, jautra kompaneja, Latgolys burveiba i lobs nūskaņuojums ir vyss, kas vajadzeigs veiksmeigam nedeļgolam.