Dzejūļu autors: Normunds Bolužs

Latgalīšu literaturā sevi pīsoka Normunds Bolužs. Jis ir angļu filologs, kurs nazkod rakstejs angliski, tok pi tekstu latgalīšu volūdā jū nūvaduse najauša tikšona dzejis slamā. “Muns kolegis Ēriks Ralfs Vanags pasaceja, ka asmu nu Daugovpiļs, maņ pīpraseja dzejūli latgaliski, es saceju, ka nav. Piersts najauši nūskrollova iz aifona da apakšai munā digitālajā kladeitē, i tī beja div dzejūli latgaliski,” stuosta Normunds. Atsauksmis, jam par lelu puorsteigumu, bejušys cīši lobys. “Tod es atguoju šūgod otkon da slamam i puorsalīcynovu vairuokys reizis, ka latvīšim Reigā teišom pateik latgaliski. Es suokumā kotru reizi praseju: “Angliski voi latgaliski?” I vysys reizis gribēja pādejū variantu. Tuo maņ jau saguoja puors reizis uzvarēt, vysod iznest pasaulī latgalīšu volūdu i īdvasmuot cytus dzejnīkus nu Latgolys ari uzraksteit i uzastuot latgaliski. Kuo soka: “Trends ir aizsuokts!””

Dzejis kūpai Normunds izalasejs nūsaukumu “Supervarūņs Hačiko”, kam “Hačiko gaidūt paruodeja sovys eistuos superspiejis, latgalīts, gaidūt, kamer Reigu sataiseis, kod vysod var aizbraukt prūjom, paruoda savu superspāku. Gaideit savu eistū ļūbesteibu ir tuoda superspieja, kuo pat supermenam nav. Jis vīnkuorši muok liduot. Wow!“

Dzejūļūs saglobuotys atseviškys autora izlūksnis i raksteibys sovpateibys.

Ave Maria

Es eju
Ave Maria munuos ausuos
Tik sylts, maņ skaistai īmās
Myusim gon — nasaīmās

Atstuoju draugu runojūt ar meitini
Juo golva palyka apteita ar anteni
Skota flešbeks maņ mozynoj hemoglobīnu
Muna pīre sveist, tava čolka kod tev uz vaiga kreit

Tik sylts, kuo Teksasys korstuo leita vokorā
Reigā, kur vīns vīnreiz satykts gejs maņ palyudze naktsmuojis
Nā, naasmu homofobs, es paleidzu jebkuram cylvākam
Maņ pateik byut daudzveideigam
Vysurguojiejam, izjamūt pastaigu pa Maskačku soltā zīmys vokorā
Izjamūt pastaigu tukšā Latvejis mozpilsātā
Ar tevi es pastaiguotu arī mežā

Maņ pateik īt vysur, izjamūt pastaigu mežā
Maņ pateik īt vysur, izjamūt prūjom nu nūtykuma vītys

Retrospektā ir juobyut ašnis peļkei
Kura kuo Šredingera kakis prīkš manis vairs nav
Kas byutu, ja es tagad pīzvanietu tev
Kas byutu, ja es vysu pastuostietu tev

Smīkleigai, ka pat tuodā momentā es varu dūmuot tikai par tevi
Nūžālojamai, ka pat tuodā momentā es aizmierstu par sevi
Apbreinojamai, asmu atrauts nu realitatis
Es škiersoju kuojis kuo Luka Magnotta, kod jam īdeve cigareti

Pagaidom golvā, vēļ nazynu, kuru filmys varūni es spieliešu nūpratynuošanā
Pagaidom skaidrā, vēļ nazynu, kurš ols ir vyslātuokais
Pagaidom skaidrā, ar karti es nūbukovu lidmašynu reit
Pagaidom nav skaidrys, kurā bukingā es palikšu reit

Nu naida leidz ļūbesteibai ir tikai vīns sūļs
Tei tetovātuo krīvīte Belgradie nu instagrama mani trigerova godu
Jei byus muns plāksters, lai es aizmierstu par tevi
Tī kruosainī tetoviejumi ir feminisma augstuokais kolns
Tī kruosainī plāksteri ir kotrai munai rātai, kur malns
Es vēļ naasmu jū satics, bet jai nav variantu
Jei mani vēļ nazyna, bet jai nav variantu

Asmu izlītovs tik daudz svyna
Asmu izdziers tik daudz šaujampulvera
Asmu izjiems nu sevis tik daudz šrapnela lauskys
Asmu gotovs iznīcynuot krīvus, kod jī puorkuops puori rūbežai
Es jau asmu tik daudz nūsits
Es nūgalynoju vysus, kuri naatbylst munam gūda kodam
Pēc tam es turpynoju ar jim komuniciet leidz nuokušajam godam
Jī runoj, es klausūs, jī ir tukši, es reageju
Jū rātys, jū rātys, jū rātys maņ suop
Lai Dīvs Jūs sorgoj, lai nu vātrys jūs gluob

Izdziest nu savys atminis cylvāku mentāli
Ir tys pats, kas fiziski
Zaudiet i suopiet sevie mentāli
Ir tys pats, kas tausteigi
Staiguot pa Reigu naktie cylvākāli, skaitliski
Ir tys pats, kas mežā

Tikai mīru, tikai mīru, Dīveņš Tevi sorgoj
Dieviņš visus mūs sargā

Bet šūnakt es stuostu blondīnei, vijūļnīcei par cytu vijūļnīci i munys eisfilmys scenāreju
Arī par vijūļnīci
Žāl, varbyut nuokušajā dzeivē es jū nūfilmiešu
Reinkarnācija, budismys, es atsagrīzšu, lai izpildietu savu misiju
Jei atsagrīzs, lai nūspālātu savu pādejū koncertu

Žāl, asmu kuo staigojūšs myrūņs
Es spieleju Tom & Jerry ar policistu
Tei vijūļnīce
Jei vēļ dūmoj, ka jei ir dzeiva, žāl

***

Papuceiša problemys

Vai es vyspuor ļūbeju itū tukšū galis bluoki?
Tys, kuo jei vīnkuorši aizguoja ar tū seikū nūžālu
Jā, es jū ļūbeju, bet idejiski, na jau jū pošu

Tū meitini, kas atbrauce cīmūs, kod beju uorzemuos
Tū meitini, par kuru es dūmovu i izjutu tik daudz, kod nabeja juos blakus
Tū meitini par kuru es zynovu, ka cīniešūs, kod idejiski atīs krīvi
Es jū ļūbeju, bet idejiski, jei vairs nav jei,
Nā, es jū ļūbeju par tū, ka maņ tuo soka dīvi

Nu smaideigys meitinis ar spraugu starp prīkšejim zūbim
Nu smaideigys meitinis, kurys vaigu es gluostieju ar puķom
Jei vīnys dīnys laikā puorsavērte par sīvīti, kura vairs mani napazeist i nagrib vairs redziet
I tymā nalatvejis palākajā, reitainajā dzeivūklie bez leita jai otkon beja uzvylkta napareizuo kleita
Es pasagrīžu i sytu pa sīnu, jei soka, ka, ja juos tāvs var jai īsist, tod es tože, kuods sakars

Sakarā ar tū, ka juos tāvs var jai īsist, es asmu peļniejs daļu nu juo sūda
Ja varu, tod asmu, idejiski, bet nikod naasmu
Sakarā ar tū, ka juos tāvs var jai kū pasciet, es asmu peļniejs nūsaraut nu zyrga, kas nūsaruova nu jiuga
Es pavodu, palaižu, aiztaisu acs i jiutu, kuo pa munu sirdi bleivai izaplota metastāzis

Juos īt i īt, juos sasnīdz puorejūs orgānus i golvys regionu
Dīnys īt i īt, jai duovuotuos ružavuos pukis veist,
Jai pierktī soldonumi i celofāna maiss pleist
Gaisa nūsyuciejs turpynoj skaniet, leidz tože izdūmoj izabeigt i sleikt.

***

Latgalīšu priņcese Anglejā

Es braukšu da Anglejai muoceitīs angļu volūdu
Asmu skaista, jauna, forša — latgalīšu priņcese.
Satyku savu priņci Indejis gūvie,
vuordā — Dakešs.
Jūtos tiešām novērtēta.
Mums pīdzyma Janeks — oficiali kompromiss
Bet muns princs… pat naīguglieja
Nasokit jam par vuorda izcelsmi
Maņ škīt — ka jis mani pamete.
Tudu tudu, tudu tudu
Šis telefons ir izslēgts vai atrodas ārpus uztveršanas zonas
Labi, pīzvaniešu savai pyrmajai eistajai ļūbesteibai
Tudu tudu, tudu tudu
Čau, Juriet…
Es pēc tevis nūsailgovūs
Vai tu mani napajamtu atpakaļ?
Tu tikai nasadusmoj–īs…
Man tev bebiets nūsasauļo–vīs
Nā, najamsi? V smisļe najamsi?
Kū par tevi pascies Ludzā?
Tev otkon suop golva,
I juoīt izslaukt gūteņa?
Tu tikai nasadusmoj–īs
Bet tys ir īmaslys,
Par kū mes izaškierom–īs, Jurrčik
See you never again, Jurrčik
London is not calling anymore, Jurrčik
London bridge is falling down,
London bridge has fallen down… Jurrrčik
Dakešs naceļ klausuli
Dakešs — bezvēsts pazudis
Dakešs ir aizguojs da mežam lasiet sienis
Dakešam vajadzātu īdūt kešā
Dakešs ir…
Nu Janek, a kū že niule dariesim?
Jānītis ir aizmidzis.
Nu a kas ta maņ, jaunai sīvītei,
Kurai uoda tuo kuo dīvītei
I smaids — tuo kuo lezbītei…
Atrast jaunu princi
Jaunai izprīcai
Pavysam mīreigai…
Bet pagaidom —
Viers gruomotys nad propostju vo rži
Jamom vibratoru
Stavim na tretjei skorosti
I lubrikantu nu veikala TESCO
Ar nūsaukumu HOT SAUCE

Ah! HOT SAUCE IN MY PUSSY
Napareizuo mierce, nu blinn…
Vajadzē školā
Muocietīs tū angļu volūdu
Ah, atā, atā
Maņ zvona Dakešs
Mana Laime uz divām nedēļām… garantēta

***

Meitene no Latgales

Muns gors, muna ticeiba, muna volūda
Ir treis lītys, kas napamat mani ni šaļts
Kas es asmu – daļa nu nacionālistu jautuojumim i problemom vysaidom?
Tys tū napareizu izdareja, tys kakiešam ar mašynu cauri puorbrauce, tys pukis demonstrativi nu tuo pīminekļa aizvuoce.
Nu navaru es vysu laiku spieliet kaut kuodus paguojušū godsymtu scenārejus
Škīt, ka vyss ir tuods ni da golam dadūmuots
Vai speciāli tuo?
Vai myužeigais pīrodums i tuoda kuo metatesiofobeja? Bailis nu puormaiņom,
Par dažom lītom daže nadūmuosim, ksenofobeja,
Tei taču byutu revolūceja, a ja nu gadiejumā loba?
Kas tod byus myusu golvenuo apsprīsšanys tēma i politika? Kas byus myusu raison d’etre?
Kod latvīši vysus gejus, lezbītis i transgenderus aizsyuties uz tū solu,
I kod vysi krīvi pīspīdu kuortā dzīduos par gailieti, kuram tože vyss ir apnics i kuram tože gribīs uz tū solu,
kū tod?
Vai tava dzeive izamainies, kod vysi runuos tai saucamajā pareizajā valodas dialektā?
Vai pasaruodies vīzeja, nauda i draudzeiba?
Varbyut suoksi ar pādejū, tev narakstureigi, bet pījamsi kaimiņu, attaisiesi pruotu i tiksi pi dasys?
Dasys vai cīseņa, na jau maņ sprīst, cik daudz tev vajag i kū tu izavielej likt sev uz maizis.
Varbyut atsarysynuos vysys tavys puorejuos probļemys? Cīš’ paradoksāli, nie?
Izatur pret kaimiņu tuo, kuo tu grybātu, lai izatur pret tevi. Cīnīs pret slyktu ar lobu. Nu itom puors bībelis tyukstūš godu vacom atziņom, kuo izaruod, izrīt vysuodys eksternalitātis
Bet es tak esmu ļoti konservatīvs
Ja Dīvs otkon augšamcaltūs i tevi radzātu Jis uztaisietu pašnuoveibu
Tak kur problema? Vai golvys napīteik vai valna varā esi?
Bet latviešu valodā nav burta y
Es grybu prūjom, es nagrybu dzierdiet
Kuortejū reizi, ka latvīšu volūdā nav burta y
Origo burzma i nikam nadereigais studeju kurss, maņ gryuts, maņ smogai
Klusais centrys, Comme De Garcons krosenis vysim, Golden Goose, Comme De Garcon, vatafak
Es grybu staiguot pa Anglejis parkim
I īsadvasmuot nu jū dziļuos myglys i slapji zaļuos zuolis
Maņ apnyka pastalys, sorkonuos lyupu kruosys
Stileta papiežkūrpis, uzpyustys lyupys
Naeistys attīceibys, situācejis attīceibys
Atvārtys attīceibys, gadiejuma attīceibys
I vysa puorejuo Reigys černuha, stop.
Maņ ir tik gryuts, maņ ir tik smogai
Es grybu dzierdiet “nuokušuo pītura Shibuya” Tokejis metro stacejā, es grybu nūkrist uz celim
I sajamt atzineibys rokstu nu japuoņu samuraja par munu prasmi apsaīt ar zūbynu
Kuoda katana? Kuodi samuraji? Absurds.
Maņ golvā ir sakura i nadalasietuo manga
Tī ir debesskruopi i lidojūši tramvaji
Bet tur nav juos
Tur nav viņas
Tī ir anime meitinis i kruosainys īlys
Tī ir vyss, bet tī nav juos
Tur ir vyss, bet tur nav viņas
Meitinis nu Latgolys
Meitenes no Latgales
Es nagrybu braukt prūjom
Es negribu braukt projām

***

Lakuga

Blin, jī paspieja pirmī
Es jau radzu, ka Rēzeknis latgalīšu volūda…
Sevkurs navys ikvīns
Skotive na jau skatuve

Maņ juokuop iz skotuvis
Navys juoīt uz skatuvis
Tuo ir, ja paspiej pyrmais
Dzeive ir saceņseiba

Latgalīšu kulturys ziņu portals Lakuga
Tik lels i pošpuorlīcynuots uzroksts augšā
Tik moderns i stileigs logotips suonā
Urā, mes vairs naasam aizlīgti
Maņ prīks

Es jiutūs kuo kīnīts Beidzjinys olimpiskajuos spieļuos
Kod aiz snovbordista lidojuma fonā beja radzama industriāluo zona i kūdūlenergejis tipa dzesiešanys tūrni
Kod eiropīts dūmova, ka tys skots ir iermeigs
Kīnīts dūmova urā, mes vairs naasam nabadzeigi
Jim prīks

---