Rokstu sagataveja: portals lakuga.lv

Kluotyn raidejumu cykla “Latgolys susātivs – turpynuojums” ūtruos sezonys ūtrais raidejums. Itūreiz tys viesteis par inflacejis ītekmi iz regionu – veikalu preču cenu kuopumu, pakolpuojumu i tarifu izmaiņom i daudzi kū cytu. Raidejumu varēs vērtīs jau itū sastdiņ, 22. novembrī, kanalā TV24 17 stuņdēs, ar atkuortuojumu svātdiņ, 23. novembrī, 10.30 stuņdēs. Taipoš ari pyrmūdiņ, 24. novembrī, kanala ReTV vierszemis apraidē, Latgolys regionalajā televizejā 17.30 stuņdēs.

Pyrmajā “Latgolys susātiva” sezonā taišni pyrma goda tyka viesteits par “susātiva” pusem treis dažaiduos nūzarēs – kulturā, volūdā i medejprateibā. Itūreiz, ūtrajā sezonā, ir pasalelynuojs raidejumu skaits i tiks dasadūrts gona nūpītnom temom ekonomikā, turysmā, medicinā i izgleiteibā.

Cenys aug kai veikalūs, tai ari pakolpuojumūs, i dzeivis duordzeiba regionā palīk par bīžu sarunu tematu. Raidejumu cykla “Latgolys susātivs – turpynuojums” 2. raidejums skaidruos, kai i deļkuo mainuos tarifi, preču cenys, kai tys ītekmej uzjiemiejus i kai jī rauga pīsalāguot tierga situacejai. Taipoš tiks raudzeits nūskaidruot, kai puortykys cenys atsaškir veikalūs piļsātā i mozuok apdzeivuotuos vītuos.

Par inflacejis nūvāruojumim Rēzeknis nūvoda Nautrānu pogosta Rogovkā stuosteis veikala-konditorejis SIA “Madara LV” vadeituoja Linda Bilinska i vairuoki cyti vītejī dzeivuotuoji. Taipoš preču cenys i veidus, kai pīsalāguot inflacejis ītekmei komentēs mozumtierdznīceibys uzjāmuma “Rimi Latvia” Kategoreju departamenta vadeituoja Inese Pētersone. Kab izzynuotu ari pādejūs godu tierga izmaiņu ītekmi iz vairuokim pakolpuojumim i tarifim, raidejums gasteis uzjāmumā SIA “Rēzeknes siltumtīkli”, kur diskutēs taišni par syltumenergejis tarifu izmainom i ītekmi iz poša uzjāmuma darbeibu. Sovpus kūpumā par dzeivis duordzeibu i tendencem Latgolys regionā vaira stuosteis Ekonomikys ministrejis parlamentarais sekretars Jurgis Miezainis.

Raidejumu cykla “Latgolys susātivs – turpynuojums” 2. raidejumu varēs vērtīs: sastdiņ (22. novembrī) kanalā TV24 17 stuņdēs; atkuortuojums – svātdiņ (23. novembrī) 10.30 stuņdēs; pyrmūdiņ (24. novembrī) kanala ReTV vierszemis apraidē 17.30 stuņdēs.

Projekta “Latgolys susātivs – turpynuojums” mierkis ir sataiseit pīcu televizejis raidejumu cyklu, kas byutu turpynuojums jau īprīšk veiduotajam raidejumu cyklam latgalīšu volūdā “Latgolys susātivs” par aktualim problemvaicuojumim Latgolā. Raidejumūs tiks aktualizātys i analizātys sabīdryskai svareigys temys, kai bezdorbs i tuo cālūni, inflaceja regionā, izaicynuojumi medicinys nūzarē, turysma atteisteiba i izgleiteibys reformys sakys. Nūsaukumā latgaliskais vuords “susātivs” latvyski nūzeimoj “ēna”, i tys simboliski paruoda raidejuma golvonū ideju – īsavērt realuos vidis “susātiva pusē”, kab maklātu problemu cālūņus i skaidruojumu. #SIF_MAF2025

Raidejumus piec tūs puorraidis varēs atrast LRT sātyslopā lrtv.lv, kai ari vītnēs Facebook, YouTube i platformā xtv.lv.

Raidejuma veiduotuoji gaideis ari jiusu atsauksmis i īsacejumus LRT socialūs medeju vītnēs, kai ari e-postā lrt.zinas@inbox.lv voi zvonūt/rokstūt iz t. nr. 26339536.

Projektu finansej Medeju atbolsta fonds nu Latvejis vaļsts budžeta leidzekļu. Par raidejumu cykla “Latgolys susātivs – turpynuojums” saturu atbiļd SIA “Latgales reģionālā televīzija”. #SIF_MAF2025

Publikaceju apmoksoj Latgolys regionaluo televizeja