Rēzeknis Augstškolys teatris uzvar Latvejis Studentu teatru dīnuos

LaKuGa 1. Apreļs, 2012. gods Comments Off on Rēzeknis Augstškolys teatris uzvar Latvejis Studentu teatru dīnuos
Rēzeknis Augstškolys teatris uzvar Latvejis Studentu teatru dīnuos
24. martā Reigys Tehniskajā universitatē (RTU) nūtyka XIII Latvejis Studentu teatra dīnys i tymuos par lobuokuo ituo goda studentu teatri kliva i ceļojūšu bolvu – sudobra uoksta capuri īgive Rēzeknis Augstškolys studentu teatris „ĶerRA”.

Rēzeknis Augstškolys studentu teatris „ĶerRA” lobuokuo studenta teatra titulu īgive par izcilū muokslinīciskū jaunradi prīšknasumā „Kas paliks piec myusu?” (Kas paliks pēc mums) ar Ivetys Ratinīkys dzeju i autoris pīsadaleišonu, režisore prof. Olga Senkāne.

Taipat teatra dīnuos tyka sveikti ari lobuokī studentu teatru akteri, taipat eipašys bolvys sajieme teatri par augstim profesionalim snīgumim, skatuviski vizualū tālu i horeografeju kai ari par muokslinīciskumu i spilgtu teatralitati.

Par lobuokū studentu teatri 2012. godā sasacente teatri nu Reigys Tehniskuos universitatis, Latvejis Universitatis, Latvejis Lauksaimnīceibys universitatis, Vydzemis Augstškolys, Jāzepa Vītola Latvejis Muzykys akademejis, Rēzeknis Augstškolys, kai ari studejteatris „AKA”, improvizacejis teatris „ImproZoo”, VEF Kulturys pils ansamblis „Rīgas pantomīma”, Teatra studeja „Krāso baltu”, Alises Rozes teatris i Jaunais Miltu teatris.

Vaira dazynuošonys par pasuocīni ITE .

Informaceja nu RTU informacejis centra.

 

Karteņā Rēzeknis Augstškolys teatris „ĶerRA”, foto Artūrs Kigitovičs

 

Komentari slāgti.