Kolnasāta 13. augustā

LaKuGa 14. Augusts, 2016. gods Comments Off on Kolnasāta 13. augustā
Kolnasāta 13. augustā

Kai atjaunuot vacu mocikletu, par tū “Kolnasātys” intervejā stuosta Kaspars Romanovs, Retro moto kluba “Rūsa vējā” vadeituojs. Ar mocikletim jis dorbojās jau nu školys laika, tod gon tys beja tik puorsavītuošonys leidzeklis. Niu Kasparam Tiļžā, Bolvu nūvodā, ir retro moču kolekceja, kū var saukt par “braucūšū muzeju” – vysi apmaklātuoji teik izvyzynuoti. Aizaraušonu apvīnuojs ari ar uzjiemiejdarbeibu, sova molkys ražuošonys uzjāmuma molku mādz īmaineit pret vacim mocikletim, tūs detaļom voi antikim aksesuarim.
Kaspars Romanovs ir ari “Misters Latvija 2011”, piec goda brauce ari iz pasauļa konkursu Lelbritanejā, kur beja apsaviļcīs stilizātā latgaļu karaveira tārpā.

Dace Dambe runoj ar svātceļnīkim, kurī dūmās iz Aglyunu, atkluojūt, parkū vīni dūmās tik iz svātku kulminaceju, nu cyti gotovi īt kuojom vairuokus symtus kilometru.

Ari Vuordineicys temats saisteits ar īšonu. Valentins Lukaševičs i Arņs Slobožanins runoj par tū, kai īt volūdeņa – par baumom, šnekuošonu i pļuopom i stuosta smīkleiguokuos baumys, kuruos dzierdiejuši par sevi i leidzcylvākim.

Komentari slāgti.