“Kolnasātā” gastej folklorys kūpa “Ilža”

LaKuGa 13. Majs, 2017. gods Comments Off on “Kolnasātā” gastej folklorys kūpa “Ilža”

“Kolnasātā” gastej folklorys kūpa “Ilža”, kurai pavysam naseņ izguojs trešais albums “Kuodeļ maņ nadzeivuot”. Tys veiduots, izmontojūt 20. godu symta folklorys ekspediceju pīrokstus i pošys folklorys kūpys dalinīku 90. godu vydā savuoktū materialu. Itūšaļt “Ilža” aktivai struodoj jau pi nuokušuo albuma, kurs dokumentēs Ludzys igauņu muzykalū montuojumu. Par folklorys kūpys aktivitatem raidejumā stuosta div tuos dalineicys: Rudīte Laizāne i Aija Andersone.

Pyrma kaida laika popularitati īmontuoja grupys “Ārzemnieki” i vairuoku latgalīšu muziku kūpeigai radeituo dzīsme “Draugavpils”. Gunta Nagle sasatyka ar Joranu Šteinhaueru nu grupys “Ārzemnieki”, sarunā jis stuosta par dzīsmis “Draugavpils” rasšonūs i tū, kai īpazeist Latgolu i tamā saredz nuokūtnis vareibys jaunīšim.

Raidejuma izskaņā “Kolnasāta” īsaver 4. pasauļa latgalīšu saīta pījimtajā rezolucejā.

Komentari slāgti.