Aņss Ataols Bierzeņš publiskovs dzīsmis „Babeņa“ videjis klipu, kurs pīsadola LTV šļagerapklausys pavasara pūsmā.

Muzykants i dzīšmu autors Aņss Ataols Bierzeņš kūpā ar režisori un operatori Pīteri Tiudruku ituo gods martā nūjēme videjis klipu dzīsmei „Babeņa“. Klips nūjimts bejušajā Preiļu rajonā i Reigā.

„Babeņa“ pārņ beja pyrmuo Aņša Ataola Bierzeņa autordzīsme, kurei tyka plotai publiskuota i kas jau da tam, skonūt „Latgolys radejis“ viļņūs, beja apturējuse atpazeistameibys: iņteresādamīs ap itū dzīsmi, nazcik radejis klauseituoju daža grīzušīs personeigai da autora. Dzīsmē paruodeita suope, kurei autoram cālusīs, braukojūt pa dzerauņom etnograpiskajuos ekspedicejuos i tiemejūt, kai soluoni pa mozam izmierst. Leidz ar jīm pagaist i vacuo sadzeive, kuormi, volūda-vītruna, atguodi, dzeivis gudreiba.

Klips pīsadola Latvejis televizejis riedeitajā šļagerapklausā.

Klipa prezentaceja nūtyks pasuocīņa „Agrais pavasars“ ramuos Reigā, “Luocī” aba Nacionalajā bibliotekā, apreļa 30 dīnā, 15 stuņdēs.