Multimedeju resurss „Dziesmotā Latgale”

8.junī Latgolys Centralajā Bibliotekā (LCB) Daugovpilī nūtyka multimedeju resursa „Dziesmotā Latgale” prezentaceja. Itymā resursā apkūpuota informaceja par Latgolys dzīsmu svātkim.

Ideja par vajadzeibu piec itaida resursa roduos 2010.godā, kod paguo 70 godi kai Daugovpilī nūtyka pyrmī Latgolys dzīsmu svātki. 2010.goda pavasarī Latgolys Centrālajā bibliotekā roduos ideja apzynuot, sistematizēt i digitalizēt Latgolys Dzīsmu svātku viesturiskūs materiālus i izveiduot plašu datubāzi. I tai ar Valsts Kulturkapitala fonda Latgolys kulturys programmys atbolstu piec deveņu mienešu ilga dorba topa multimedeju resurss „Dziesmotā Latgale”.
Itais disks teik saukts par multimedeju resursu, deļ tam ka tymā īkļauts informatyvais materiāls na tikai teksta, bet ari fotografeju, kai ari video i audio failu veidā. I apkūpuotuos informacejis apjūms ir ļūti plašs – suocūt nu dzīsmu svātku programom, informacejis par dirigentim i kūrim, beidzūt ar dalinīku atmiņom i dzīsmu svātkūs dzīduotūs dzīsmu tekstim i nūtem. Vysa informaceja organizāta gon pa godim, gon piec veida. Pi tam, lai ari golvonūkuort disks ir veiduots latvīšu volūdā, vysa pamatinformaceja pīejama ari latgaliski i krīviski.

Pi resursa „Dziesmotā Latgale” izveidis rūku dalykuši cīš daudzi cylvāki, kas pīkryta pīsadalēt ar sovom atmiņom, informacejis īgiušonā lyla lūma beja ari sadarbeibai ar cytom bibliotekom i muzejim, tūmār šo projekta kūduls, komanda, kas iz sovim placim iznese itū lylū īguldātuo dorba apjūmu sastuovē nu 7 cylvāku: projekta vadeituoja J.Šapkova, projekta koordinatore Dz.Stupāne, LCB informacejis nūdaļis vadeituojja A.Dojuna, LCB periodikys nūdaļis vadeituoja S.Daukšte, bibliotekāre T.Hodokova, kai ari datorspeciālisti S.Anufrijevs i S.Tarleckis. Lyls paļdis jīm par apjūmeiguo i viesturiski korektuo alūta izveidi.

Resurss „Dziesmotā Latgale” visim interesentim pīejams škārsteikla adresē www.lcb.lv/dziesmotalatgale

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]