Žurnala „A12” trešajā i ituo goda pādejā numurā – vierteibys i tradicejis, patriotisms i spāks, kurs atsarūn kasdīnys dorbūs.

Intervejis ar Brenču saimi Radopolē, ar uzjiemiejim nu Rēzeknis Ilonu i Andri Filipenokim, pīredziejušū kinologu Valdi Bikovski i reikstnīku Ivanu Maculeviču nu Rēzeknis nūvoda. Taipat žurnalā – viesturis puslopuos stuosts par muokslenīku Francisku Varslavānu, Pasīnis dzeraunis dzeive, Zīmyssvātku laiks latgalīša sajiutuos – caur folkloru intervejā ar Janinu Kurseiti-Pakuli i gasteišona Marejis Magdalenys draudzē Reigā.

Jaunuokajā žurnala „A12” numerā var puorskaiteit Rēzeknis „Zeimuļa” arhitekturys idejis stuostu i viertejumus, par lauksaimnīceibu Latgolā – kai dzeivisveidu i biznesu, žurnals gastej Tilžys vydsškolā i Rēzeknis augstskolā i itūreiz latgalīša pādi vad iz Sloveneju. Kai īrosts žurnalā ari viests par jaunuokajom gruomotom, muzykys diskim i drupeit svaigu dzejis aileņu.

Žurnals „A12” izīt sešys reizis godā, reizi divejūs mienešūs, i tymā var skaiteit pozitivus stuostus par cylvākim Latgolā i pasaulī.

Žurnalu „A12” var nūpierkt Presis Servisa kioskūs, LgSC gruomotu goldā i cytuos tierdznīceibys vītuos.

Vēļ tik decembrī žurnalu var abonēt vysam 2013. godam par 7,80 Ls iz godu – vaira par aboniešonu verīs ITE.