Latgolys Kulturviesturis muzejā nūtiks izstuodis „Gandarījums” atkluošona

Latgolys Kulturviesturis muzejā nūtiks izstuodis „Gandarījums” atkluošona

Latgolys Kulturviesturis muzejā (Rēzeknē) šudiņ 15 stuņdēs nūtiks Makašānu Omotu vydsškolys školuotuoju i audziekņu dorbu izstuodis „Gandarījums” atkluošona.

Itamā vuiceibu godā Makašānu Omotu vydsškola svietej 20 godu jubileju, i izstuodis dorbi veiduoti par gūdu itam nūtykumam. Izstuodē byus radzami školuotuoju i 1. leidz 12. klasis školānu jaunradis dorbi dažaiduos izpiļdejuma tehnikuos i materialūs, i tī topuši vuiceibu procesā. Izstuodis apmaklātuoji varēs apsavērt kūka beņčeišus, krāslus, goldus, tamburātys sedzenis, pierleišu rūtys lītys, adejumus i cytys lītys.
Ikvīnā dorbā jaušams gon školuotuoju, gon školānu gondarejums par sasnīgtū i omotnīceibys tradiceju saglobuošonu i nūdušonu nu paaudzis paaudzē.
Makašānu škola atsarūn natuoli nu Rēzeknis, glaznainā apleicīnē Iugulovys azara krostā. Tei dybynuota 1884. godā, bet 1992. godā mozuo lauku škola pīdzeivuoja sovu atdzimšonu jaunā kvalitātē – tei puorsaveiduoja par omotu vydsškolu. Myusu dīnuos škola ir  īvārojams kulturys centrs, kurā bīži nūteik sabīdriskuos aktivitatis ar rakstnīku, muokslinīku i folklorys kūpu pīsadaleišonu.
Izstuode Latgolys Kulturviesturis muzejā atvārta nu 10. janvara da 2. februaram.
Īejis moksa školānim i studentim Ls 0,20, pīaugušajim – Ls 0,40.

Karteņa: Lūcejis Rancānis Makašānu Omotu vydsškolys arhivs

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]