Rokstu sagataveja: portals lakuga.lv

Digitalūs humanitarūs zynuotņu raidīroksta jaunuokajā serejā “Latgalīšu volūda i digitaluo vide” sarunā ar Rēzeknis Tehnologeju akademejis lītiškuos volūdnīceibys profesori Sanitu Martenu ir vareiba izzynuot vaicuojumus, kas saisteiti ar latgalīšu volūdu, tuos pietnīceibu i atteisteibu digitalajuos zynuotnēs.

Digitalhumanities.lv ir iniciativa, kas teik eistynuota, sasadorbojūt Latvejis pietnīceibys institucejom, ar mierki digitalūs humanitarūs zynuotņu atteisteibu Latvejā, informēt ap pietejumim i iniciativom, kai ari veicynuot sadarbeibu Latvejis i storptautyskā mārūgā. Vīna nu iniciativys aktivitašu ir raidīroksts, kura trešajā serejā “Latgalīšu volūda i digitaluo vide”, sasarunojūt ar rakstnīku, tulkuotuoju Haraldu Matuli, gastej Rēzeknis Tehnologeju akademejis profesore Sanita Martena.

Raidīrokstā profesore skaidroj vaicuojums, kaida atškireiba ir terminu “latgaļu” i “latgalīšu” volūdys vydā, kaidi ir Rēzeknis Tehnologeju akademejis taiseitī korpusi, kai nūteik dorbs pi tūpūšuo latgalīšu volūdys “Tēzauru”, ar kū atsaškir raksteituo i runuotuo latgalīšu volūda, volūda digitalajā vidē, cik svareigi ir jēgt raksteit latgaliski, voi latgalīšu volūdu vajag vuiceitīs i zynuot ari cytur Latvejā, kaida ir lauku lingvistiskuo ainova i situaceja ar resursim volūdys pietnīceibā.