Rokstu sagataveja: portals lakuga.lv

Ap saulgrīžu laiku divejis muzykalys apvīneibys – postfolklorys grupa “Jōra” i grupa “Unknown Artist” – sagatavejušys jaunys dzīsmis latgaliski.

Grupai “Jōra” dzīsme “Vusa loba Juoņa zuole”

Postfolklorys grupa “Jōra” ir četru energisku jaunīšu apvīneiba, kuri izpylda latvīšu i cytu regionu tautu muzyku. Grupys sastuovā ir Lauma Matule (bolss, kūkle), Dārta Drava (bolss), Ivars Štubis (gitara, bass), Kalvis Vītols (bolss, perkusejis). Grupa ari da šam ir izdavuse vairuokys dzīsmis latgaliski, tok jaunuoko – “Vusa loba Juoņa zuole” ir 1991. gods Medņovys pogosta Lodumys cīma īroksts, dzīsmis teiciejis ir Valentīna Babāne i Tekla Logina.

Aranžēja – grupa “Jōra”, īraksteja i miksēja – Ivars Štubis. Video autore – Lauma Matule.

Grupai “Unknown Artist” sadarbeibā ar Zinti Krakopu dzīsme “Rika Tak”

Grupa “Unknown Artist” pīduovoj kantri dzīsmi “Rika Tak”, kurys īrokstā i video sūpluok grupys dalinīkim pīsadola ari vītejā mārūgā pazeistamais balleišu muziks Zintis Krakops. Itys singlys, kai ari cytys grupys originaldzīsmis, tiks izpiļdeitys 21. junī Upītē nūteikūšajā pasuokumā “π-dzīdam”, informej dzīsmis izpiļdeituoji.

Video stuosts ir par tū, ka grupa ir sataisejuse sovu “Faktoru” (kab nabyutu tik “X Faktors”) i meklej itai dzīsmei pīmāruotuokū solistu, gadīņam, ka asūšais solists “nateik iz koncertu” plānuotu ci naparadzātu apstuokļu deļ. Piec pyrmūs četru kandidatu “naveiksmeigūs” uzastuošonu atbrauc golvonais varūņs i gluob dīnu!

Video fiļmiejs i montiejs Salvis Mass (Waltz Visuals). Dzīsme īraksteita i apstruoduota studejā “Bigmaar’s Records”.