Pyrms dažom dīnom „Latgolys Studentu centra” Rēzeknis biroja vadeituoja Ingūna Sermule pulcynuoja latgalīšu jaunīšus vīnuvīt iz tikšonūs i jaunu planu kaļdynuošonu. Tikšonuos rezultats – ideju puorpiļneiba.

Iz tikšonūs beja īsaroduš 11 jaunīši, kurim beja kūpejs vīdūklis – latgalīšu kultura ir juosagloboj i ari juoatteista. Tyka apsprīstys idejis, kai tū izdareit jau bejušūs i vēļ nabejušūs veidūs. Jaunī ceņsūni ir nūlāmušs reikuot spieļu vokorus, večerinkys, erudītu konkursus i LgSC biroja sporta spielis i cytys pasuokumus. Kai soka poši jaunīši, ideju i dorba jim pylns tyvuokajim godim, tik juostruodoj. Sovuos aktivitatēs Rēzeknis jaunīši ir nūlāmušs īsaisteit na tikai latgaliski runojūšūs, bet ari vysus cytus interesentus i dorbuotīs grybātuojus.

LaKuGys rodūšais kolektivs LgSC Riezeknis birojam vielej lelu dorba sporu i spāku mierķu sasnīgšonai!

Karteņa: LgSC arhivs
Ziņu sagataveja: LaKuGa