Par Zīmeļlatgolys pusbolsa dzīduotuojom storptautyskā muzykys pietnīku izdavumā

Par Zīmeļlatgolys pusbolsa dzīduotuojom storptautyskā muzykys pietnīku izdavumā

Rokstu sagataveja: portals lakuga.lv

Jāzepa Vītola Latvejis Muzykys akademeja (JVLMA) sadarbeibā ar izdevnīceibu “Musica Baltica” i Latvejis Nacionalū kulturys centru izdavuse gruomotu i albums “Shaping Sounds and Values: Multipart Music as a Means of Social and Cultural Interaction”. Deveņu autoru nu vysa pasauļa rokstu vydā īkļauts ari Andys Beitānis roksts par Ziemeļlatgolys pusbolsa dzīduotuojom, viesteits JVLMA sātyslopā.

Kruojumu sastatiejs Vīnis Muzykys i izpiļdeituojmuokslys universitatis Tautys muzykys pietnīceibys i etnomuzykologejis instituta pietnīks i JVLMA vīsprofesors Ardians Ahmedaja (Ardian Ahmedaja). Izdavumā īkļauti deveņu autoru roksti par Albanejis, Austrejis i Bavarejis (Vuoceja), Borneo (Malaizeja), Centralāfrikys i Ganys (Āfrika), Dishi (Kīna), Javys (Indonezeja), Marokys, Sardīnejis (Itāleja), Setu (Igauneja) i Zīmeļlatgolys (Latveja) daudzbaļseigū muzyku.

Karteņa: publicitatis materiali

Itei ir jaunuokuo Storptautyskuos tradicionaluos muzykys padūmis (International Council for Traditional Music, ICTM) Daudzbaļseiguos muzykys pietnīku grupys publikaceja. Gruomotā publicātī roksti ir prezentaceju i diskuseju rezultats, kas kaldynuots div simpozejūs – library@esplanade Singapūrā (2016) i Guangxi Muokslu universitatē Nanningā, Kīnā (2017) – i tam sekojūšuo divkuoršys anonimys recenziešonys procesā. Nūzeimeiga publikacejis daļa ir albumā īkļautī audio i video lauka īroksti nu Malaizejis, Marokys, Sardinejis, Setu zemis i Zīmeļlatgolys, kas atkluoj spylgtys i daudzveideigys muzykys praksis vysaiduos dzeivis situacejuos.

Karteņa: publicitatis materiali

Gruomotys pyrmuo daļa veļteita socialajai i kulturys mejīdarbei muzykalajā uzvedeibā. Anda Beitāne rokstā “Adapting the Parts: An Experiment as an Analysis Tool” analizej eksperimentu, kas padareits kūpā ar Zīmeļlatgolys pusbolsa dzīduotuojom, raugūt izprast na viņ skanis, bet ari uzvedeibys nūslāpumus.

Gruomotys satura ruodeituojs ITE, vaira par izdavuma saturu ITE. Gruomotu varams nūpierkt ITE.

Print Friendly, PDF & Email

Kalenders

May
4
Sai
all-day Olgys i Valda Pauliņu keramikys ... @ Latgolys Kulturviesturis muzejs
Olgys i Valda Pauliņu keramikys ... @ Latgolys Kulturviesturis muzejs
May 4 all-day
Latgolys keramiki Olga i Valdis Paulini dzeivoj i struodoj Kruoslovā, dorbojās Kruoslovys amatnīceibys centrā, ir populari meistari vysā Latvejā. Jūs keramikys darbneica ir attaiseita interesentim i turistim, pīduovojūt i vysaidu formu trauku kluostu, i paraugdemonstriejumus,[...]
14:00 Sābru dīna @ Baļtinova
Sābru dīna @ Baļtinova
May 4 @ 14:00 – 18:00
Sābru dīna @ Baļtinova