Uškānu saimis ansamblis Rēzeknē
Koncerts Rēzeknes KN beja energisks. Repertuars raksturoj ari pošus ansambeļa daleibnīkus: jī ir gaiši, pozitivi i ļusteigi ļauds. Uzguoja iz skatuvis vysi boltā apgierbā i jau ar pyrmajom muzykys skaņom pīskandynuoja vysu zalu. Pasuokumā varē dzierdēt gona daudz latgalīšu muzykys dažaidu instrumentu pavadiejumā. Apmeklietuoji dzīduoja leidza. Izskanēja vairuokys latgalīšu kuozu dzīsmis, ari ola dzīsmis tyka dzīduotys. Iz breidi varēja izbaudeit latgalīšu tradicejis.
Saimis golva Artūrs Uškāns atzyna, ka uzastuot Rēzeknē ir leluoka atbiļdeiba nakai jebkur cytur, jo obi ar sīvu te ir dzymuši. I juosoka, ka publika muzykantus uzjēme kai sovejūs. It seviški patriotisms beja jiutams, kod ansambeļs izpiļdēja dzīsmi „Patrioti” – skatietuoji cēlēs kuojuos i vysys dzīsmys garumā napuorstuoja skanēt aplausi.
Pasuokuma laikā tyka īgiuts daudz pozitivu emoceju. I kuortejū raizi varēja puorsalīcynuot, ka latgalīši ir vīnuoti dzīsmē.