Svātdiņ, 22. martā, kod nūtiks atsavadeišona nu izcyluo latvīšu kinys i teatra režisora Juoņa Streiča, Reigys pošvaļdeiba Vērmanis duorzā vysys dīnys garumā demonstrēs režisora filmys, nu kurūs lela daļa palykušys par latvīšu kinys klasiku.

“Cylvāka bārns” ir pyrmuo latgalīšu kina – Latgolā (Sakstagolā) filmāta i pošu latgalīšu spākim veiduota. Kina ir baļsteita iz Juoņa Klīdzēja romana ar taidu pošu nūsaukumu motivim. Stuosts par Latgolys Paulānu saimis dzeivi, par tradicejom i vierteibom, kas teik nūdūtys nu paaudzis uz paaudzi. Golvonais varūņs Bonifācijs Paulāns, dzeivisprīceigais i zynuotkuoreigais Boņuks, nu agrys bierneibys vuicuos veiduot attīceibys ar saimis lūceklim i puorejim cylvākim, ar Dīvu i dobu. Kina īvad skateituojus Latgolys sātā, ruodūt latgalīšu zemnīku gudrū dzeivisziņu, darbeigū kasdīnu i mozuos sirds auklātū pyrmū mīlesteibu.

Kina ir sajāmuse kinofestivala “Lielais Kristaps” bolvu kategorejā lobuokuo kina.

Režisors, scenareja autors: Juoņs Streičs
Lūmuos: Andris Rudzinskis, Juoņs Paukštello, Akvelina Līvmane, Boleslavs Ružs, Uva Segliņa, Inese Laizāne, Romualds Ancāns