Pīktdiņ, 27. martā Arhitektu noma Lelajā zālē nūtyka akcejis “Latvejis medeju volūdys bolva 2025” laureatu, atzineibys rokstu, simpateju bolvys i myuža īguļdejuma bolvys sajiemieju apbolvuošonys ceremoneja, kurū reikuoja Nacionaluo elektroniskūs plašsazinis leidzekļu padūme (NEPLP) i Vaļsts volūdys centrys (VVC). Latgolys regionaluos žurnalistikys apakškategorejā bolvu sajēme Latvejis Radejis latgaliskuo raidejuma "Kolnasāta" vadeituoja Guna Zvīdre, bet latgalīšu kulturys ziņu portals lakuga.lv tyka pi atzineibys roksta par boguoteigu latgalīšu rokstu volūdys vuordu kruojumu.