Latgalīšu volūdai draudzeiga vīta

Latgalīšu volūdai draudzeiga vīta

Bīdreiba “LgSC” i latgalīšu kulturys ziņu portals lakuga.lv reikoj akceju “Lagalīšu volūdai draudzeiga vīta”, kab veicynuotu latgalīšu rokstu volūdys lītuošonu publiskajā telpā Latgolā i cytur Latvejā i pasaulī.


KAS TYS IR?

Akcejis “Latgalīšu volūdai draudzeiga vīta” mierkis ir mudynuot latgalīšus kasdīnys saziņā izmontuot dzymtū volūdu, kai ari veicynuot sabīdreibys izpratni par latgalīšu volūdys vierteibu i pozitivu attīksmi pret jū.

Sovu pīsadaleišonu akcejā i vēlmi aicynuot klientus, sadarbeibys partnerus i cytus interesentus saziņā vaira izmontuot latgalīšu volūdu, uzjāmumi, organizacejis, vaļsts i pošvaļdeibu īstuodis aicynuoti atzeimēt ar eipašys uzleimis dalikšonu publiski radzamā vītā, pīmāram, iz īejis durovu. Uzleimis sajimšona nauzlīk nikaidus pīnuokumus i saisteibys. Tū sajāmušuos vītys ir atzeimuotys eipašā kartē.

Ideja par atpazeistameibys zemi “Latgalīšu volūdai draudzeiga vīta” rodusēs jau pyrma laika, tok kai akceja aizsuokta 2020. godā. Itaida veida aktivitatis – aicynuot kasdīnā i sadzeivē vaira lītuot kaida regiona dzeivuotuoju dzymtū volūdu ar eipašu vizualūs zeimu paleidzeibu – ir ari cytur pasaulī.


KAI VAR PĪSASACEIT?

Pīsateikt pīsadaleišonai akcejā var, aizpyldūt anketu ITE. Anketā var nūruodeit ari tū, voi gribit sajimt akcejis uzleimi. Uzleimis sajimšona naizlīk nikaidus pīnuokumus i saisteibys – pīsadaleišona akcejā i pozitivys attīksmis pret latgalīšu volūdu pausšona ir akcejis dalinīka breiva izvēle.

Uzleimi var lītuot ari digitalā formatā, kai ari izdrukuot i izmontuot piec sovu īskotu, ka tī nav pretrunā ar akcejis ideju. Uzleimi aizlīgts puordūt, ari tod, ka persona tuos izgataveišonā investiejuse sovus leidzekļus. Uzleime lejupīluodiešonai ITE.


KAS AKCEJĀ JUODORA?

Juobyut draudzeigim latgalīšu volūdai! Tys var izapaust kai īspieja ar klientim sasarunuot latgaliski, latgaliskys produkcejis, suveniru, pakolpuojumu pīduovuošona, eipašys akcejis klientim, kurī sasazynoj latgaliski, latgalisku pasuokumu reikuošona, saziņa sovā vydā latgaliski, raksteišona latgaliski publicitatis materialūs i teiklūs i cyti veidi, kas akcejis dalinīkam var īīt pruotā.

Atbolstu latgalīšu pareizraksteibys vaicuojumūs (da 1000 rokstzeimu bezmoksys) vysod gotovi nūdrūsynuot bīdreibys “LgSC” aktivisti i portala lakuga.lv komanda. Sasazynuot i aizdūt vaicuojumus, lyugt paleidzeibu teksta puorsavieršonā var, rokstūt info@lakuga.lv. Taipat var izmontuot ari Vaļsts volūdys centra latgalīšu volūdys lingvista paleidzeibu, zvonūt konsultantam pa telefonu 67334627 ci nūsyutūt pīprasejumu iz e-posta adresi pasts@vvc.gov.lv.


ES JAU ASU DALINĪKS. KAIDS MAŅ NU TUO LOBUMS?

Gūds, slave i lela pateiceiba! Pīsadaleišona akcejā ir breivpruoteiga i ar tū kotrys dalinīks pauž atbolstu latgalīšu volūdai. Akcejis reikuotuoji dalinīkim pīduovoj papyldu publicitatis īspiejis – īkļaušonu akcejis kartē (ar aprokstu i biļdem), publicitati bīdreibys “LgSC” i portala lakuga.lv socialajūs teiklūs (Facebook, Instagram, Twitter i TikTok), stuostūt sabīdreibai par vītom Latgolā, Latvejā i cytur pasaulī, kuruos var dzierdēt, redzēt voi kai cytaiž pīdzeivuot latgalīšu volūdu, kai ari īspieju pīsadaleit akcejis eipašajuos aktivitatēs (spēlē, akcejis ceļvedī i cytuos).

Akcejis asūšuo daleibnīka anketu datu atjaunuošonai i papyldynuošonai var aizpiļdeit ITE.


Akceja “Latgalīšu volūdai draudzeiga vīta” ir vīna nu latgalīšu kulturys kusteibys “Volūda” projekta “Latgaliskuos kulturvidis styprynuošona: sabīdreiba, izpratne i īsaiste” aktivitašu, kurys 2023. i 2024. godā atbolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.


#LTGdraudzeigs RĒZĒKNĒ

Latgalīšu volūdai draudzeigūs vītu izzynuošonys spēle Rēzeknē. Vaira informacejis ITE.


ĪPAZEISTI LATGALĪŠU VOLŪDAI DRAUDZEIGUOS VĪTYS CAUR TIKTOK:

@voluuda

Veikals-salons “Lāde” akcejā “Latgalīšu volūdai draudzeiga vīta” īsasaista jau nu 2020. goda. Ir cīši lela prīca, ka latgalīšu volūda teik lītuota na tik iz suvenirim, bet ari kasdīnys saziņā ar klientim. Kod ej uz veikalu, naaizmiersti runuot #latgaliski ! #NVOfonds2022 #Latgale

♬ original sound – Volūda
@voluuda

Paļdis Rekovys vydsškolai, ka šūvosor uzjēme myusu atzolīšus pi seve! Paļdis povuoreitem par gordajim iedīnim i lobū attīksmi! Asam puorlīcynuoti, ka Rekovys vydsškola ir latgalīšu volūdai draudzeiga. 🥳💛 #latgaliski #NVOfonds2022 #Latgola

♬ original sound – Volūda
@voluuda

Lūznovys muiža vēļ šudiņ i reit aicynoj iz Baļtejis džeza festivalu “Škiuņa džezs”. Lūznovys muižā kotru dīnu vari sadzierdēt, saredzēt i salaseit latgaliskū. Brauc gostūs! #latgaliski #Latgola #Latgale #LūznavasMuiža #NVOfonds2022

♬ original sound – Volūda
@voluuda

@latgalesgors — vīta, kur roda i viestej Latgolys stuostu. Nagaidi, kod GORS tevi sauc, brauc iz GORU pats! #Latgale #Latgola #latgaliski #Gors #NVOfonds2022 #Rēzekne

♬ original sound – Volūda
@voluuda

Kod īraudzeisi Ausmeņa kebabu, tys namonūt tiks tovuos rūkuos.🤤 Ej piec sova kebaba Reigā voi Rēzeknē i drūsai pasyuti latgaliski! #NVOfonds2022 #latgaliski #Latgola #Latgale #Rēzekne #ausmeņakebabs #ausmeņa #Rīga

♬ original sound – Volūda
@voluuda

Leņdžu kopeja smuords Rēzeknē nu 22.02.2022. ☕️ Sovu meiluokū latgaliskū kopeju vari izavēlēt @kuup_coffee konceptveikalā Nikodema Rancāna īlā 41. Suoc pasyutejumu ar “Vasali!” i dzer kopeju vasals! 😍 #NVOfonds2022 #Rēzekne #KUUP #Latgale #Latgola #latgaliski #kafija #coffee #kopejs

♬ original sound – Volūda
@voluuda

Vysglupuokuo atruna – “Maņ nav laika!”. Eipaši itymā laikā, kod juospiej atškiert uztycamu informaceju, ir svareigi sekuot leidza eistom ziņom. Ziņom i raidejumim latgalīšu volūdā vari sekuot leidza Latvejis Radejis Latgolys studejis socialajūs teiklūs voi sātys lopā www.latvijasradio.lsm.lv/lv/latgales-studija. #NVOfonds2022 #latgaliski

♬ original sound – Volūda
@voluuda

Vysuos Bolvu nūvoda bibliotekuos ir vaira par 2000 gruomotu latgalīšu rokstu volūdā. Bolvu centralajā bibliotekā 2020. godā beja 660 gruomotu vīneibu latgaliski, niu skaits ir pasalelynuojs tyvai 1000. Myusu aicynuojums bibliotekom – kotru godu nūpierkt ari pa kaidai kvalitativai latgalīšu literaturys gruomotai, kab atbaļsteitu rakstnīkus i ļautu volūdai dzeivuot vēļ symtim godu iz prīšku. #NVOfonds2022 #latgaliski

♬ original sound – Volūda
@voluuda

Latgolys kulturviesturis muzejā na tik vari apsavērt dažaidys pastuoveiguos ekspzicejis, no ari jaunys tematiskuos izstuodis kotru mienesi. Muzejs ari ir atvārts sadarbeibai, par pīmāru, 7. oktobrī ite nūtyka Antoninys Masiļūnis povuoru gruomotys attaiseišonys svātki. Īsacejums: Ka īsi iz muzeju, drūsi izmontoj audiogidu latgaliski! #NVOfonds2022 #latgaliski #Rēzekne #Latgola #Latgale

♬ original sound – Volūda
@voluuda

1996. godā dybynuotū Skryndu dzymtys muzeju var drūsai saukt par cīši latgalisku vītu. Jūs miseja ir na tik popularizēt īvāruojamuos Skryndu dzymtys, kurys radzamuokī puorstuovi ir Latgolys sabīdryskī darbinīki gareidznīki Benedikts (1869-1947) i Kazimirs (1875-1919), kai ari jūs bruoļs uorsts Ontons (1881-1918) Skryndys, montuojumu, bet ari sovā veidā turpynuot jūs aizsuoktū dorbu. #NVOfonds2022 #latgaliski #Latgola #Latgale

♬ original sound – Volūda
@voluuda

Korstā vosorys dīnā īej “Sometsēta” kopejneicā i nikai navari pretuotīs. 🍻☀️ Zīmā dzerit sylta čaja i gaidit vosorys. ☕️❄️ Alkohola lītuošona ir kaiteiga jiusu veseleibai.❗️ #latgaliski #Latgola #Latgale #Aglona #alus #ols #vasara

♬ original sound – Volūda
@voluuda

Cikom ir snīgs, tikom brauc izbaudeit šmukū Sarkaņkolna apleicīni. 🗻 Ka namuoki braukt ar slēpem⛷ voi snīgadieli🏂, nasasatrauc, Haralds tevi īvuiceis! 💪🏻

♬ original sound – Volūda
@voluuda

”Volūda” kūpā ar Rēzeknis Centraluos bibliotekys bibliotekys darbinīkim pīduovoj 9 gruomotys latgaliski: 📙Latgalīšu-latvīšu vuordneica – kab vuiceitūs latgalīšu volūdu; 📕Burtu vuoceleite – vuiceit bārnu laseit latgaliski; 📘Latgalīšu pareizraksteibys nūsacejumi – kab vuiceitūs latgalīšu rokstu volūdu; 📗Sirds bolss – īsadvasmuošonai; 📙Myužeigais kalendars – kasdīnys padūmu dabuošonai; 📕Genovefa – leidza jusšonai; 📘Kas bez iuzu – tys bez bādys – kur aizajimt tostus i vieliejumus; 📗Tauta grib dzeivõt – Latgolys viesturis īpazeišonai. 📙Plōciņu mase roksta – pasasmīšonai. 📖Bibliotekā ir boguoteigs gruomotu stends latgaliski – ej i īpasazeisti! ℹ️Rēzeknis Centraluo biblioteka ir akcejis “Latgalīšu volūdai draudzeiga vīta” dalinīki. Vaira par akceju “Latgalīšu volūdai draudzeiga vīta” izzynoj i pīsasoki: lakuga.lv/ltg-vita #SIF_NVOfonds #latgaliski #books #gruomotys #grāmatas

♬ original sound – Volūda
@voluuda

Pyrma kaida laika, 4. martā, latgalīšu kulturys kusteiba “Volūda” taiseja kūpsapuļci Rēzeknis Dīva Žāļsirdeibys bazneicys seminaru telpā. Piec sapuļcis svineigi īsvietejom bazneicu kai latgalīšu volūdai draudzeigu vītu. 🎉 Paļdis Stanislavam par syltū uzjimšonu! Dasoki ari tu sovu vītu akcejai 👉🏻 lakuga.lv/ltg-vita #SIF_NVOfonds #latgaliski

♬ original sound – Volūda
@voluuda

Veikals “Cymuss. Radeits Latgolā” ir lauku lobumu veikals Ludzā, kurā var nūpierkt vīteju muojražuotuoju, lauksaimnīku i amatnīku produkceju. ✅ Portals lakuga.lv īsoka atbaļsteit vītejūs! #latgaliski #Latgola #LTGdraudzeigs #Ludza #veikals #SIF_NVOfonds

♬ Beat Automotivo Tan Tan Tan Viral – WZ Beat
@voluuda

Kai palikt par latgalīšu volūdai draudzeigu vītu? 1️⃣. Aizpildi anketu ej.uz/dasacejums-akcejai 2️⃣. Mes atzeimuosim tovu vītu kartē 3️⃣. Izsyuteisim/nūguoduosim uzleimi (uzleimi vari ari izdrukavuot pats) 4️⃣. Esi draudzeigs – izmontoj latgalīšu volūdu saziņā ar klientim voi kolegim Izzynoj vaira: lakuga.lv/ltg-vita 🥳 Akcejis daleibnīku vydā sveicam Varakļuonu nūvoda muzeju! #SIF_NVOfonds #latgaliski #Latgola #Latgale

♬ original sound – Volūda
@voluuda

Kai Jānis Pampe, īsaceidams nūbraukt iz Ludzu, kaidreiz saceja: “Kod Ludzys azari apstaiguoti i puorbaudeits, ka piļsdrupys iz vītys, nūteikti var garšeigi sevi palutynuot picerejā “Astotais Rajons”. Pi jūs vysod gordi!” 🎲 “Astotais rajons” pīduovoj na tik gordys picys, tok ari latgaliskuos izklaidis – ite dažys nu tom! #SIF_NVOfonds #latgaliski #Ludza

♬ original sound – Volūda
@voluuda

Ebrejim ir bejuse nūzeimeiga lūma Rēzeknis piļsātys viesturiskajā atteisteibā. Vairuoku godu symtu laikā ebreji ar sovu kulturu, religeju i ekonomiskajom aktivitatem boguotynuoja i atteisteja Rēzeknis piļsātu, da Ūtruo pasauļa kara izveidojūt tū par vīnu nu sovys kūpīnys nūzeimeiguokajim centrim Latgolā. ℹ️Da myusu dīnu Rēzeknis piļsātvidē ir sasaglobuojušys na tik ebreju materialuos kulturys līceibys, nu ari cylvāki, kurī atguodoj ebreju tauteibys puorstuovus, tai īvāruojami papyldynojūt i boguotynojūt piļsātu ar namaterialū kulturviesturiskū montuojumu. 🧐Īpazeisti ebreju tradicejis i Zaļū sinagogu, vysvacuokū kūka āku Rēzeknē, kūpā ar gidu Voldemāru Ivdri trešdinēs i sastdinēs 11.00-15.00! #latgaliski #SIF_NVOfonds

♬ original sound – Volūda
@voluuda

Naseņ reklamys i interjera dizaina salons “Salons D” pīsavīnuoja latgalīšu volūdai draudzeigūs vītu puļceņam. 🎉 🤝🏻 Tymā ir apzavīnojušīs profesinali sovā jūmā – @Rēzeknes Tehnoloģiju akadēmija diplomātī dizaineri. 🏠 Interjera dizains – aizkori, žaluzejis, mēbelis, interjera dizaina izstruode. 💻 Reklamys dizains – vysa veida apdruka. Apdruka suocūt nu mozys kruškys ci krakla, da lelys īlys reklamys voi gaismys kastis, taipat ari grafisko dizaina izstrode. #SIF_NVOfonds #LTGdraudzeigs #latgaliski #Rēzekne #Latgola

♬ Euro$tep – West
@voluuda

Latvejā leluokais Šmakovkys muzejs ar myusdīneigu i atraktivu stuostu par styprū dzierīni pīduovoj: 🔸 īpasazeit ar šmakovkys tapšonys procesu; 🔹 redzēt autentiskys i īspaideigys ražuošonys īkuortys; 🔸 īpazeit Latgolys regiona viesturis svareiguokūs pūsmus; 🔹 informēt par alkohola puormiereigys lītuošonys sekom. 💬 tys vyss ari latgaliski! 🕥 Dorba laiks: ☀️ Apreļs – oktobris Pyrmūdīne – svātdīne : 11.00 – 19.00 🌥 Novembris – marts Pyrmūdīne: slāgts; Ūtardīne – svātdīne: 11.00 – 19.00 #SIF_NVOfonds #latgaliski #LTGdraudzeigs #Latgola #fyp #foryou #ceļotlatvijā #turisms

♬ original sound – Volūda
Print Friendly, PDF & Email

Kalenders

May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]
22:05 Annele Slišāne. Tuoraga stuosti.... @ Latvejis Radio 1
Annele Slišāne. Tuoraga stuosti.... @ Latvejis Radio 1
May 21 @ 22:05 – 23:00
Annele Slišāne. Tuoraga stuosti. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
22
Tre
22:05 Egita Kancāne. Syltuo mola. Rade... @ Latvejis Radio 1
Egita Kancāne. Syltuo mola. Rade... @ Latvejis Radio 1
May 22 @ 22:05 – 23:00
Egita Kancāne. Syltuo mola. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
23
Cat
22:05 Valentins Lukaševičs. Casnāgu ma... @ Latvejis Radio 1
Valentins Lukaševičs. Casnāgu ma... @ Latvejis Radio 1
May 23 @ 22:05 – 23:00
Valentins Lukaševičs. Casnāgu maizeitis. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]