Kulturys īsacejumi nedeļai: fotoizstuode Rēzeknē, kadrilis Lūznovā i koncerts Daugovpilī
Rokstu sagataveja: portals lakuga.lv
Ituos nedeļis īsacejumus saguoduojuse grupys “Bruoli i muosys” dalineica, vejūļneica Ērika Ruhmane. Jei pīduovoj apmeklēt fotoizstuodi, doncuot kadrilis i baudeit koncertu.
Latgolys fotografu bīdreibys izstuode
Latgolys viestnīceibys “Gors” pyrmuo stuova seminaru telpā jau nu 3. marta leidz 12. apreļam apsaverama Latgolys fotografu bīdreibys izstuode “Skatu mozaīka: daudzveidības harmonija”. Izstuodi veidoj divpadsmit dažaidu fotografu dorbi, kas kūpumā duovoj daudzsluoņainu pasauļa redziejumu.
Kadriļu meistarklase Lūznovā
Ituo gods pavasarī, nu 23. marta leidz 18. majam, Rēzeknis nūvoda Lūznovys muižā nūtiks četrys kadriļu meistarklasis. Tuos vadeis vairuoki nūzaris specialisti, i meistarklasis byus daīmamys bez moksys vysim grybātuojim. Ituos nedelis pyrmūdīnē meistarklasi vadeis Dace Smirnova. Vaira par meistarklasem ITE
Papyldus muižā apsaverama ari ekspoziceja “Kerbedza kabinets”, kurā attāluota 19. godu symta beigu i 20. godu symta suoku interjera stilistikys interpretaceja i nazkodejūs muižkungu dorba i atpyutys telpys atdzeivynuošona.
Grupys “ABYSKISS” koncerts Daugovpiļs Vīneibys nomā
26. martā 18 stuņdēs Daugovpiļs Vīneibys nomā “Frankofonija 2026” dīnu laikā nūtiks fraņču retro futuristikys grupys “ABYSKISS” koncerts. Beletus var nūpierkt ITE.
Komentari