Get ready Morrisson



Par dorbu narunuosem. Dažim jis ir. Dažim juo nav. Maņ ir stipendiāta dorbs, kas skaņ veļ čudnuok i smīkleiguok. Nā, teišom. Es principa piec naatbolstu itū projektu „100 latnieki”. Nahu$^m? Izdaleitu itū naudu uzjiemiejim. Bet vysā vysumā itys nav tys temats, par kū itymā īrokstā īs runa.

Saguo tai, ka publiski svinejās tuos jubilejis, kurejuos ir opoluos. Redz, tod vari ar elegantu saukli saceit – O, maņ šudiņ jubileja,…hohoho, ubļudok! – Eipaši es vyspuor tuom dz.d. svineibom naasu pīviers lelu uzmaneibu. Varbyut tik viņ deļ tuok, ka sabīdreibā volda vīdūklis – Nu, kai ta tai! Kai ta bez pompozitāties sviniesi… tok vāga! – Taids pat vīdūklis volda i munā „pagaidu kantorī”. Dzimšonys dīnom teik dūtys leluokys atlaidys, svieteiba i reiceibu īspiejis, nakai pamatdorbam ar vysu goda atskaiti. Es veļreiz breidynoju – No moš tai nav, bet es asu cylvāks nu molys, i maņ apkuort nūteik nūtykumi, kū navaru napamaneit. Bādys teik sleicynuots eklērūs i jūprūjom aizajimtys receptis par taida voi itaida veida salatim. Prīks! Saimis varēs nūgaršuot  izstruoduojumus cytā gaumē ! Nikuo ļauna, ka itū skaita kolegys nu dorba.

Vot tai mes ceļom Latgolu sauleitē! Nimoz narunojūt par nazynomajīm, nūteikūšajīm pasuokumim i cytom īspiejom. Tok, oi itys par tuoli. Ite cyts temats.

Vyspuor taida veida action, kur niule asu, nuok par lobu. Kai daiļradei, tai pošam. Apsalīcynoju, ka „ramu cylvāki” eksistej, i na vīnā vīn paaudzī :D A tī, kas nav taidi? … tī pazaruoda vaicuojums nu īprīkš minātajīm – Deļkam ta tu naasi? Vysa tev gona – dorbs, bārni (moš kuram i tī byus piečuok), veirs, sakaļts voi škirnis suņs..i.t.t. Bet ramu cylvāki ir ramu cylvāki. Vyss nūteik pa ramam i seņ zynomā kuortebā, pa izpuceitū risi.

Maņ, atkareibā nu cytim, nav puorsteigums – deļkam lauluotīs draugs, jis voi jei kotru sastdiņi, svātdiņi brauc medeibuos, zvejuos, šopingūs, gostūs da draudzinem i cosmopolitan sarunom. C’mon! Nui, vysys lītys nav juosaprūt nu cītuo gola. Vyss nav tik sarežgeits, ka navāru paceļt acs i pruotu i iz seve pazavērt nu molys. Nui, ari šlāgers nav sarežgeits. Teipat kai džazs, voi blūzs. Atkareiba nu tuo, kū tu kausīs

Oi …. tai ir, ka raksteit var daudz. Tik vaicuojums, kurš da gola daskaita?! :D

Taitod par pošu golvonū.


Stuknē tei dz.dīna, kur vīnā pjankā sacieju, ka nūmieršu itaidā vacumā …, jo beju sazasapņuojs, ka vyss byus čotkai. Pasuokumi, CD, gruomotys latgalīšu volūdā tiks izdūtys … vyss byus okidoki. Bla, bla, bla… Tok, še Tev, Madaļ, ar bļīnim pa vysim byudim.

Pošam nikas nav izdūts, bet cerejam iz vīna projekta pozitīvu atbaļsteišonu, kuo rezuļtatā juobyuņ taustamam rezultatam …. Nu, vot, kai ir, tai juodzeivoj.

Godu skaitom nav ni vainis. Tai saucamīs Džima Morisona vacums. Bloga dzīsmeņa

Nanūlīgšu The Doors vīna nu munom klausamajom grupom. Periodiski.

I as asu pateiceigs. Vysim. Byutu aizguojs pa modai iz Reigu, dīzynvoi byutu dzeivis ceļā satics taidus feinus, atraktīvus, čudnus, intersantus ļauds. Gon jau, lobuokajuos treknū godu tradīcejuos, īzafīrātu kaidā puordūšonys menedžera, izplateituoja omotā i tī propuļtu. Propuļtu tai, ka naļautu izalauztīs tam, kas siež vydā. Tam latgaliskajam. Tam prozaiskajam (kai tī saīt, nasaīt – sevi tūmār pīleidzynoju prozaikim, na dzejnīkim, lai gon obi ir spieceigi vuordi).

Lai voi kai, vyss ir poša cylvāka rūkuos!

I daž ar bārnim tu vari skrīt i trokuot. Atcerūs sovus večus – beju izrausteits iz vysom pusem i vysaidim pasuokumim.u.t.t.  Moš ari tys beja, kai zamapziņā ītaiseits gobols, ka tai tam juobyut, ka juodara ari sabīdriski aktīvys/atraktivys dzelys.

Tāvs soka, ka godus navāg skaitiet, tī vnk ir skaitļi voi pluseņi. Na jau ta nā!

Bet fiška, kur … Duraceibys jau napalīk mozuok…jei voi nu ir, voi juos nav, voi jei palīk tīpat, bet – jei tod ar godim palīk satureiguoka :D nu tai es varātu definēt sovu.

Cīneju cylvākus ar sovu vīdūkli. Pofig, kaidu, bet vīdūkli. Tīm, kam juo nav, tī maņ atguodynoj taidu kai kačini marta laikā, kurei ar dyrsu trynās gar stenderi i puksteidama verās – oi ta jau ap styuri naskrīņ seņgaideitīs vaislenīks runcis Renārs ?! Veļ vairuok taidu kaču varianti ir eleganti nūvārojami, kod taidu ļaužu vydā atīt  – PATS prīkšnīkuprīkšnīks. Nā, ite nav runys par Pesteituoja piedejū atnuokšonu.

Lai voi kai, šudiņ sovā dzimšonys dīnā – 4.junī, braucu iz Daugpiļi. Sazatikšu ar čudnim cylvākim. Prostaiguosem The Doors dzīšmu pavadeibā vītejūs lokālus. Plus – tī veļ itymuos breivdīnuos piļsātys svātki. Plus…plus…plus… vysaidys mistifikacejis. Vīna kompanjone acasacē braukt leidza. Tai ir, ka bravūra leluoka …a, ka daīt dzela, to….

Vyspuor sev kuozuos grybātu pyrmū valsi doncuot zam ITUOS dzīmis. Deļ tuo i bryute juoatlosa atbylstūš ;) A, na jau zam – „….. un mēs abi sākām valsi šajā mūžā pirmo reiz…”, kū spielej iz sincezatora Roland, ūsaini – lokains muzykants. Moti copy-paste nu solista „Kantoris 04”.

Deļkam Daugavpiļs? Deļ tam, ka sova malnejā humorā uzskotu, ka Latgolā ir vīna lela piļsāta. Es dūmoju, Piļsātys vuorda cīneiga. „Rēzekne ir lela Malta” – L. Seiksta – Gagaine. (tys tai) (ļaunijenotsmīkly 8)

Vyspuor interesanti, ka veļ tevi gaida i Kobeina, Jezus, vacumi. Nasaprūtams ir vacpuša/vacmeitys vacums. Hihihihi.

Taitod, kūpsavylkums – dorit, dzeivojit deļ seve. Jiusu svātki, jiusu kantors i telpa.

Vieleju veiksmeigys breivdīys, i vyspuor – vosorys dīnys. Pagaidom izaver, ka da myusu atguose Malaizejis vosora. Korsts  i mitrs….. plus lidojūšu bļadžu vairuok , kai motu ….jei bogu!

Ite toč kai Bībelē – kai tī beja…izkryta nanūžs i apēde vysu ražu….oi,oi,oi, pi myusu laikam ād treknū godu uzkruojumus :D

Saudzēsim sevi, sovu, cytu mīsu, jo var byut, ka sova i cyta mīsa nūder.