Ituo goda vosorā vīnā nu šmukuokajom Latvejis vīrom – Aglyunā tika nūfilmāts videoklips dzīsmei “Atmiņas par bērnības gadiem”. Dzīsmis autors i izpiļdeituojs ir pazeistamuos grupys “Patrioti.lg” dalinīks Jurs Ostrovskis, kurs itūreiz jiems tolkā šlagermuzykys debitantus nu Algyunys – grupu “Migla”, ar kurim sadarbeiba aizasuokuse ituo goda vosorā Preiļūs. Dzīsme stuosta par pošu bezryupeiguokū laiku cylvāka myužā – bierneibu, i taisni deļtuo Jurs Ostrovskis i grupa “Migla” ir dasacejušs dzīsmi raidejuma “Latvejis šlagerapklausa” rudiņa apklausys pūsmām, i par tū jau tāņ ir vareiba nūbolsuot (ar anketom aveizis “Latvijas Avīze” dalykumā “Nedēļa kabatā”, piec kuru viertejuma nūteik teleponbolsuojums tīšraidē LTV1).

Jurs Ostrovskis izsokas pateiceibu Juoņam Viduskalnam (klipa režisoram), Atim Auzānam (dzīsmis īroksta skonu režisoram), atpyutys vītai “Aglyunys Alpi” i grupai “Migla”.

Muzykanti aicynoj iz sasatikšonu “Latvejis šlagerapklausys 2011” raidejumūs LTV1 kanalā, sasdiņ 19:30 i svātdiņ (atkuortuojumā) 14:30!

Karteņa nu J.Ostrovska arhiva