Latgolys pūdnīku dīnys 2012

LaKuGa 18. Apreļs, 2012. gods Comments Off on Latgolys pūdnīku dīnys 2012
Latgolys pūdnīku dīnys 2012
Apreļa beigu daļa Latgolā byus tradicionalais Latgolys pūdnīku dīnu laiks, kod interesenti teik aicynuoti iz atvārtūs durovu dīnom pūdnīku darbneicuos, izstuodem dažaiduos Latgolys vītuos i teoretiskim skaitejumim Latgolys Kulturviesturis muzejā.

Latgolys pūdnīku dīnu 2012 programa:

25. – 26. aprelī 12:00 – 15:00

Atvārtūs durovu dīnys Latgolys pūdnīku darbneicuos:

– Rēzeknis muokslys i dizaina vydsškolys keramikys nūdaļā (Bazneicys īlā 34a, Rēzeknē, tel. 26017908, 64622676)

– Daugovpiļs Muola muokslys centrā (18. novembra īla 8, Daugovpiļs, tel. 29241488, dmmc@inbox.lv)

– Raivo Andersona keramikys darbneicā (Talsu īla 21, Preili, tel. 29429630, aivoandersons@inbox.lv)

– Uģa Puzuļa keramikys darbneicā („Racupkalns”, Alsviķu pogosts, Olyuksna nūvods, tel. 29243010, ugispuzulis@inbox.lv)

– Pītera Gailuma keramikys darbneicā („Podnieki”, Jaungailumi, Ilziskolna pog., Rēzeknis nūv., t. 26606602)

– Olgys i Valda Pauleņu keramikys darbneicā (Dyumu īla 8, Kruoslova, tel. 29128695, valdispaulins@inbox.lv).

26. aprelī 14:00

Keramiķa Aivara Kisis jubileja izstuodis „Puordūmu viejs” atkluošona Latgolys Kulturviesturis muzejā Atbreivuošonys alejā 102, Rēzeknē). A.Kise, svietejūt dzeivis 60. jubileju, aicynoj īsavērt juo puordūmuos par muokslu i dzeivi caur gleznom i muola seikplastiku.

26.aprelī 16:30

Izstuodis „Čajkonys” (Tējkannas) atkluošona Daugovpiļs Muola muokslys centrā (18. novembra īlā 8, Daugovpilī)

26. aprelī 15:00-20:00

„Pīnā mārcātuos” keramikys i reducātuos keramikys cepļa kūršona Anatoleja Vituškina darbneicā Rēzeknis nūvoda Griškānu pogosta „Svečtureišūs”. Dažaidys apdadzynuošonys tehnologejis, pūdnīceibys meistaru stusotejumi, vareiba pīsadaleit apdadzynuošonys procesā i veikt trauku piecapstruodi, gremdejūt tūs pīnā.

27. aprelī 10:00

„Pīnā mārcātuos” keramikys i reducātuos keramikys cepļa atdareišona Anatoleja Vituškina darbneicā Rēzeknis nūvoda Griškānu pogosta „Svečtureišūs”.

 

27. aprelī 12:00

Teoretiskī skaitejumi „Tautys lītišķuo muoksla myusdīnuos” Latgolys Kulturviesturis muzejā (Atbreivuošonys alejā 102, Rēzeknē)

12:00-12:20         Vacmeistaram Ontonam Ušpeļam – 100!

Andris Ušpelis, TLMS „Rēzeknes apriņķa pūdnīki” vadeituojs

12:30-12:50         Starptautiskais muola muokslys festivals „Latgolys muola trauks”.

Valentīns Petjko, LMA keramikys nodalis magistrants, TLMS „Latgale” dalinīks

13:00-13:20         Arheologiskais tārps Latgolā.

Rasa Deksne, LMA LF 2.kursa studente

14:00-14:20         TLM studejis „Dzīpariņš” daleiba projektūs i aktivitatēs. – Anita Kairiša, TLMS „Dzīpariņš” vadeituoja

14:30-14:50         Pozitivais pīmārs rekonstruejūt Abrenis tārpu.

Iveta Supe, Bolvu nūvoda muzeja direktore, sadarbeibā ar Baļtinovys vydsškolys aušonys puļceņu (vad. Iveta Gabrāne)

15:00-15:20         Metalkaļvs Jānis Ļubka. – Igors Krilovs, LMA LF 2.kursa students

15:30-15:50         Starptautiskuo pīredze lītiškuos muokslys konferencēs i godatiergūs.

Linda Rubena, Kulturizgleiteibys i namaterialuo montuojuma centra tradicionaluos kulturys eksperte lītiškajā muokslā

Pīmineklis Ontonam Kūkuojam – nu idejis leidz realizacejai. – Svetlana Skačkova, tielneica

 

27. aprelī 16:00

Latgolys lītiškuos muokslys izstuodis atkluošona, sadarbeibā ar KNMC

Latgolys Kulturviesturis muzejā, Atbreivuošonys alejā 102, Rēzeknē

Izstuode demonstrej Latgolys kulturys tradiceju boguoteibu – pūdnīku i kūkapstruodis meistaru dorbi, audieju i pinieju darynuojumi. Lītiškuos muokslys meistardorbūs sasavej latgalīšu volūda ar dorba tykumu, amatnīku rūku veikleiba ar sirds syltumu.

27. aprelī 17:00 – 22:00

Latgolys pūdnīku dīnu 2012 kruosainuos i reducātuos keramikys cepļu kūršona Evalda Vasilevska darbneicā Rēzeknis nūvoda Kaunatys pogosta „Akmineišūs”.

Keramikys meistaru paraugdemonstrejumi, dažaidu apdadzynuošonys tehnologeju dalītuojums, vareiba izvaicuot pūdnīceibys meistarus i pasaklauseit jūs stuostūs, kab kuortejū reizi puorsalīcynuotu par izkruotuos dorba, prasmju i zynuošonu pīredzis boguoteibu.

28. aprelī 10:00

Latgolys pūdnīku dīnu 2012 kruosainuos i reducātuos keramikys cepļu atdareišona Evalda Vasilevska darbneicā Rēzeknis nūvoda Kaunatys pogosta „Akmineišūs”.

28. aprelī 12:00

Latgolys pūdnīku dīnu 2012 kūpejuos izstuodis atkluošona Rēzeknis nūvoda Kaunatys pogosta tautys nomā. Izstuodē pīsadola vaira kai 30 Latgolys pūdnīceibys meistari ar pādejuo godā darynuotim keramikys traukim, sviļpaunīkim i c. Kruošni glazātuo i niansem boguotuo reducātuo (t.s. malnuo) keramika, tacynuoti i lipynuoti trauki, kasdīnā lītuojamuo i dekorativuo keramika.

3. majā 15:00

Tautys daiļomota meistaru Jolantys i Valda Dundenīku i Bierzpiļs vydsškolys keramikys puļceņa dorbu izstuodis atkluošona Bierzpiļs Saītu nomā (izstuode apsaverama da 31. maja).

18.-20. majs

I Starptautiskais Muola muokslys festivals „Latgolys Muola Trauks” Daugovpiļs Muola muokslys centrā.

Muola i guņs puorvierteibu radeits breinums

Vysu pūdnīku dīnu laiku Latgolys Kulturviesturis muzejā apsaverama Latgolys keramikys ekspoziceja „Muola i guņs puorvierteibu radeits breinums” – pūdnīceibys atteisteiba nu neolita laika leidz myusdīnom.

Latgolys pūdnīku dīnys 2012 organizej Rēzeknis nūvoda pašvaļdeiba, TLMS „Rēzeknes apriņķa pūdnīki”, Latgolys Kulturviesturis muzejs sadarbeibā ar LKF kūpu „Pūdnīku skūla”, TLMS „Latgale” (Daugovpiļs), A.Paulāna TLMS (Rēzekne), Kaunatys pogosta puorvaļdi.

 Izstuode par Latvejis i Latgolys pūdnīkim i pūdnīceibu

Ari Rēzeknis Centralajā bibliotekā Latgolys pūdnīku dīnu laikā leidz 30. apreļam pīduovoj apsavērt izstuodi par Latvejis i Latgolys pūdnīkim i pūdnīceibu.

Karteņā: Pūds nu bruoļu Vogulu izstuodis LKM, foto – LaKuGa

Komentari slāgti.