Bolvu piļsātys svātki suoksīs jau 20. juļa vokorā, kod piļsātys parkā koncertēs grupa „Labvēlīgais tips”. Svātku laikā da pusnaktij grybātuoji varēs apsavērt izstuodis i eksponatus Bolvu nūvoda muzejā.

21. julī 10:00 byus piļsātys mūdynuošona, kab aicynuotu iz Reigys kluba „Feimurs” kaču izstuodi Bolvu Kulturys i atpyutys centrā. Reita pusē ap 11:00 pi Bolvu nūvoda muzeja byus Senejūs lītu kolekcionaru saīšona – izstuode – tierdzeņš. Svātku laikā byus ari cytaidys padareišonys – Dyžanais guojīņs ar vāzom, Luoča figuru konkurss, ekstremistu skriejīņs, bārnu braucamreiku i auto parads, iudiņa karnelva, kai ari loterija i izlūze „Laimeigais baļvenīts”.

Piļsātys svātku atkluošona paradzāta 13:00, piec kuruos byus velo triala „Greentriols” šovs, Rankys teatra izruode – R. Blaumaņs „Eisa pavuiceiba meiļuošonā”. Piļsātys svātki nūsaslēgs ar koncertu „Bolvu tryzuls” (Balvu trellis) i piļsātys īdzeivuotuoju apbolvuošonu ar Atzineibys rokstim – tūs sajims ļauds, kurī ar dorbim i vuordim veicynuojuši Bolvu atteisteibu. Piec svineiguo pasuokuma i vysys dīnys nūtikšonom piļsātys īdzeivuotuoji i gosti varēs ļustēt grupys „Ceļā” bals.