Latgalīšu sabīdriskuos organizacejis („Kukuži”, „Latgolys Studentu centrs”, „Latgalīšu Etnokulturys centrs”, „Latgaļu sāta”, „Latgolys Saeima”, „Latgolys Producentu Grupa” i LatBLUL) i aktivuokuos Latgolys reģiona pašvaļdeibys jau pīktū godu piec kuortys reikoj Latgalīšu kulturys Goda bolvu „Boņuks”.

Bolvys „Boņuks” ideja un mierki: veicynuot latgalīšu tradicionaluos i popularuos kulturys atteisteibu Latgolys regionā i aiz juo rūbežu, apkūpuot lobuokūs paguojušuo goda veikumus, rūsynuot kvalitatis i originalitatis pīaugumu myusdīnu latgalīšu kulturā.

Lyudzam īpasazeit ar pīvīnuotū bolvys nūlykumu i nominaceju sarokstu.

Pretendentus nominacejom var izvirzēt da 2013. goda 11. janvaram.

Bolvys „Boņuks” pasnīgšonys ceremonejis laiks – 2013. goda 24. februars.

Iz pasuokumu tiks aicynuoti bolvys „Boņuks” pretendenti i dasaceitūs dorbu autori.

Dasasaceišona pa e-postu producenti@inbox.lv

Bolva „Boņuks”
Humanitarūs zynuotņu katedra
Atbreivuošonys aleja 115,
Rēzekne,
LV-4601
Fakss: 646 22681

Kontaktpersona: Guntis Rasims, 29492864

Par 2012. godu Latgalīšu kulturys Goda bolva “Boņuks” tiks daškierta itaiduos nominacejuos:

Sabīdreiba i kultura:

• Goda cylvāks
• Lobuokais pasuokums / projekts
• Latgalīšu kulturys sponsors / mecenats
• Latgalīšu kulturys masu medejs
• Goda pašvaļdeiba
• Latgalīšu sabīdriskuo organizaceja
• Lobuokais latgaliskais pasuokums školā
• Goda školuotuojs
• Lobuokais latgaliskais pasuokums kulturys / tautys nomā
• Goda kulturys darbinīks
• Goda folklorys darbinīks
• Goda amatnīks
• Lobuokuo publicitatis akceja latgalīšu kulturā
• Latgolys vuorda popularizeišona kulturā
• Lobuokais audio/video raidiejums/sižets masu medejūs
• Par īguļdiejumu latgalīšu kulturys atteisteibā

Muzyka:

• Lobuokuo pop/rock stila dzīsme
• Lobuokuo šlagera stila dzīsme
• Lobuokuo folk/tautys muzykys stila dzīsme
• Lobuokuo alternativuo (underground) stila dzīsme
• Lobuokais muzykys albums
• Lobuokais muzykys video
• Goda debeja muzykā
• Radejis hits

• Lobuokuo proza
• Lobuokuo dzeja
• Lobuokais izdavums / gruomota
• Spylgtuokuo publikaceja škārsteiklā / presē
• Spylgtuokuo debeja literaturā

Nūlykums – Latgalīšu kulturys Goda bolva "Boņuks 2012"

2011. goda Latgalīšu kulturys Goda bolvys pasnīgšonys VIDEO