Rūžupē nūtiks daņču muzykantu saīts

LaKuGa 31. Juļs, 2013. gods Comments Off on Rūžupē nūtiks daņču muzykantu saīts

dancu muzykanti_

Rūžupis estradē 16. augustā 20 stuņdēs nūtiks daņču muzykantu saīts-konkurss. Itaids pasuokums teik reikuots jau 18. reizi, i tei ir loba īspieja dzierdēt i īpazeit vēļ nadzierdātys i jaunys grupys, kai ari ļustēt kūpā ar jau zynomajom. Itūgod par saīta temu ir izvālāta – „Myusim šudiņ ostoņpadsmit”.

Itymā pasuokumā var pīsadaleit sevkura muziku grupa, kura uzskota sevi par pīmāruotu. Koncertā byus juoizpylda divejis dzīsmis piec sovim īskotim. Dalinīkus viertēs žureja, i lobuokī muziki tiks pi bolvom. Pīsacejuma anketa juoīsnādz leidz 8. augustam. Vaira par konkursa nūsacejumim skaiti i pīteikuma anketu meklej ite.

Karteņa: livani.lv
Ziņu sagataveja: LaKuGa piec pasuokuma organizatoru informacejis

Komentari slāgti.