Grupa “Dabasu Durovys” pīduovoj nūsaklauseit dzīsmi nu septembrī gaidamuo trešuo studejis albuma.

Dzīsme īraksteita grupys studejā Daugovpilī. Miksēja Armands Treilihs, māsterēja Nick Dawes (Franceja). Dzīsmis muzykys i vuordu autors ir Arņs Slobožaņins. Īrokstā pīsadaleja Romāns Sladzis (gitara), Egils Kulmanis (tausteni, bolss), Arņs Slobožaņins (gitara, bolss), Aleksandrs Tamans (bungys), Valdis Rundzāns (basgitara).

Dzīsme “Saulis Karaļa Golmā” pauž ideju, par tū, ka cylvāku īkšejais pasauļs, reiceiba i puordzeivuojumi nasamaina naatkareigi nu tuo, voi dzeivojam septeņpadsmytajā voi divdesmit pyrmajā godu symtā.

Grupu dzeivajā varēs dzierdēt 31. majā Rokiškūs (Lītova) festivalā “Tevo Gitara”, i 1. junī Rēzeknē, festivalā “Sevenhills”.