8. Storptautiskais teatru festivals “Soli pa solim” Rēzeknē

LaKuGa 16. Septembris, 2014. gods Comments Off on 8. Storptautiskais teatru festivals “Soli pa solim” Rēzeknē

Nu 18. leidz 21. septembram Rēzeknē nūtiks ostuotais Storptautiskais teatru festivals “Soli pa solim”, kū ik piec diveju godu reikoj Rēzeknis Tautys teatris i tuo ītvorūs skateituoji aicynuoti izbaudeit i vītejuos, i uorvaļstu lobuokuos teatru izruodis, piec izruožu īsasaisteit diskusejuos, kai ari pīsadaleit meistarklasēs.

8. Storptautiskais teatru festivals “Soli pa solim” pīduovoj skateituojim plošu programu – 13 vysaida žanra izruodis nu Latvejis (Rēzeknis, Līpuojis, Salaspiļs, Smiļtinis, Jiurmolys, Uogris), Lītovys, Igaunejis, Slovakejis i Krīvejis. Tradicionali piec izruožu nūtiks diskusejis, kuruos aicynuots īsasaisteit sevkurs skateituojs, i paužūt sovu redzīni, i īsaklausūt profesionaļu viertiejumā. Itūgod izruodis analizēs eksperte Alla Zorina – Storptautiskuos amatīrteatru asociacejis (AITA/IATA) Krīvejis centra generalsekretare. Festivala dalinīki, gosti i teatra muokslys cīneituoji aicynuoti apmeklēt ari teatra meistarklasis un īsadzilinuot aktermeistareibys niansēs, ar kurom īpazeistynuos profesionali nu Lītovys – Valentins Masaļskis i Nijoles Sinkevičutes.

Storptautiskais teatru festivals “Soli pa solim” Rēzeknē nūteik nu 2000. goda i kotru reizi ir pīpiļdeits i ar spylgtom i titulātom Latvejis izruodem, i ar storptautiskā mārūgā atzeitom teatru trupu gostu izruodem. Itūgod festivala laikā byus vareiba redzēt 2013. goda treis lobuokuos Latvejis amatīrteatru izruodis – “Goda izruodi 2013” – Smiļtinis Tautys teatra īstudiejumu “Pusdūša”, lobuokū kamerizruodi – Jiurmolys teatra īstudiejumu “Spolvys” i lobuokū izruodi jaunīšim – Līpuojis Tautys muokslys i kulturys centra Jaunīšu teatra studejis izruodi “Makss i Morics”.

Festivala programa ir veiduota tai, kab izruodis napuorsakluotu, tai skateituojim ir vareiba nūsavērt vysys izruodis i izdzeivuot boguoteigu sajiutu gammu. Beletus iz vysom izruodem var īsaguoduot “Biļešu paradīzes” kasēs i škārsteiklā.

8.Storptautiskuo teatru festivala “Soli pa solim” programa:

18. septembris, catūrtdīne

17.00 Larisa Titova, Aleksandrs Starotoržskis “Karaliskuo gūvs” – myusdīneiga puosoka bārnim
Rēzeknis teatris–studeja “Joriks” (Latveja) Režisore Larisa Ščukina
Rēzeknis Nacionalūs bīdreibu kulturys noma jaunuo āka, Atbreivuošonys alejā 97
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 1 st. 10 min.
Izruodis volūda – krīvu

19.00 Bronislavs Vaļpītrs “Patentēts inteligents aba kai Mikeļs precētīs gribēja” – komedeja latgaliski ar dzīduošonu i doncuošonu
Rēzeknis Tautys teatris (Latveja) Režisore: Māra Zaļaiskalns
Rēzeknis Kulturys nomā, Bruoļu Skryndu īlā 3
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 1 st. 10 min.
Izruodis volūda – latgalīšu

20.30 Diskuseja par izruodem i īsapazeišona
Rēzeknis Kulturys nomā, Bruoļu Skryndu īlā 3

19. septembris, pīktdīne

14.00 Vilhelms Bušs “Makss i Morics” – atraktiva izruode jaunīšim ar klaunadis elementim
Līpuojis TMKC Jaunīšu teatra studeja (Latveja) Režisors: Juris Ločmelis
Rēzeknis Nacionalūs bīdreibu kulturys noma jaunuo āka, Atbreivuošonys alejā 97
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 50 min.
Izruodis volūda – latvīšu

16.00 Venedikts Jerofejevs “Moskova – Petuški” – tragikomedeja
Teatris “DS ČI-PR-HA” (Slovakeja) Režisors: Peter Luptovsky
Rēzeknis Kulturys nomā, Bruoļu Skryndu īlā 3
Beļetu cena: 3.00 eiro, bārnim, studentim i pensionarim: 2.00 eiro
Izruodis ilgums – 45 min.
Izruodi īsokams apmeklēt nu 12+
Izruodis volūda – slovaku

19.00 Augusts Strindbergs “Jūlejis jaunkundze” – dramatiska kamerspēle
Salaspiļs KN “Enerģētiķis” amatīrteatris (Latveja) Režisore: Edīte Neimane
Rēzeknis Nacionalūs bīdreibu kulturys noma jaunuo āka, Atbreivuošonys alejā 97
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 50 min.
Izruodi īsokams apmeklēt nu 12+
Izruodis volūda – latvīšu

21.00 Aleksejs Ribnikovs, Andrejs Voznesenskis “Junona i Avosj” – muzykali dramatiska izruode
Dramys i poezejis teatris “Luč” (Jaroslavļa, Krīveja) Režisore: Natālija Bakanova
Rēzeknis Kulturys nomā, Bruoļu Skryndu īlā 3
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 1 st.
Izruodis volūda – krīvu

20. septembris, sastdīne

10.00 Diskuseja par izruodem
Latgolys viestnīceibā GORS, Piļs īlā 4

11.00 – 12.30 Valentina Masaļska (Valentinas Masalskis) lekceja-meistarklase “Aktermeistareiba piec Pola Ekmana metodikys” (Klaipēda, Lītova)
Meistarklasē tiks nūdrūšynuots tulkuojums latvīšu volūdā.
Lelais zals, Latgolys viestnīceibā GORS, Piļs īlā 4, bez moksys

13.00 – 14.30 Nijolis Sinkevičutis (Nijole Sinkeviciute) meistarklase “Teatra muzykys (ritma) lūma aktermeistareibys atteisteibā” (Klaipēda, Lītova)
Meistarklasē tiks nūdrūšynuots tulkuojums latvīšu volūdā.
Lelais zals, Latgolys viestnīceibā GORS, Piļs īlā 4, bez moksys

12.00 “Leļu meistars” – klaunade piec Viljama Šekspira tragedejis “Otello” motivu
Teatris “Arlekīns” (Viļņa, Lītova) Režisore: Tatjana Timko
Rēzeknis Kulturys nomā, Bruoļu Skryndu īlā 3
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 1 st.
Izruodis volūda – izruode bez teksta

14.00 Pauls Putniņš “Pusdūša” – tragikomedeja
Smiļtinis Tautys teatris (Latveja) Režisors: Agris Māsēns
Rēzeknis Nacionalūs bīdreibu kulturys noma jaunuo āka, Atbreivuošonys alejā 97
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 2 st. 30 min.
Izruodis volūda – latvīšu

17.00 Erki Aule “Limonada Etss” – komedeja
Teatris “SEE” (Hāpsola, Igauneja) Režisore: Marina Sillaste
Rēzeknis Kulturys nomā, Bruoļu Skryndu īlā 3
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 50 min.
Izruodis volūda – igauņu

19.00 “Melodejis” i “Kūrpu stuosti” – muzykys i ritma spēlis
Klaipēdys Jaunatnis teatris (Lītova) Režisors: Valentinas Masalskis
Lelais zals, Latgolys viestnīceibā GORS, Piļs īlā 4
Beletu cena: 5,00–7,00 eiro
Izruodis ilgums – 1 st. 40 min.
Izruodis volūda – izruode bez teksta

21. septembris, svātdīne

11.00 Diskuseja par izruodem – festivala kūpsavylkums
Alla Zorina, Storptautiskuos amatīrteatru asociacejis (AITA/IATA) Krīvejis centra generalsekretare
Rēzeknis Nacionalūs bīdreibu kulturys noma jaunuo āka, Atbreivuošonys alejā 97

12.00 Lelde Stumbre “Spolvys” – spolvains latvīšu trillers
Jiurmolys teatris (Latveja) Režisors: Imants Jaunzems
Rēzeknis Nacionalūs bīdreibu kulturys noma jaunuo āka, Atbreivuošonys alejā 97
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 1 st. 25 min.
Izruodi īsokams apmeklēt no 12+
Izruodis volūda – latvīšu

14.00 Moljērs “Skapēna blēdības” – komedeja
Ūgris Tautys teatris (Latveja) Režisors: Jānis Kaijaks
Rēzeknis Kulturys nomā, Bruoļu Skryndu īlā 3
Beletu cena: 3.00 eiro, bārnim, studentim i pensionarim: 2.00 eiro
Izruodis ilgums – 1 st. 20 min.
Izruodis volūda – latvīšu

Piec izruodis – Festivala “Soli pa solim” nūslāgums

Komentari slāgti.