LgSC aicynoj studentus iz pasuokumim

LaKuGa 21. Septembris, 2014. gods Comments Off on LgSC aicynoj studentus iz pasuokumim
LgSC aicynoj studentus iz pasuokumim

Suocūtīs jaunajam vuiceibu godam, jaunīšu bīdreibys “Latgolys Studentu centrs” biroji Reigā, Rēzelnē, Daugovpilī i Jelgovā aicynoj studentus iz pasuokumim, lai īpazeitu studeju piļsātu i vaira izzynuotu par Latgolu i LgSC. Meili gaideiti byus ari bejušī i tūpūšī studenti.

Jelgovā

23. septembrī
Foto-orientiešonuos „Īpazeisti Jelgovu”. 17 stuņdēs puļciešonuos Hercoga Jākuba laukumā. Komandu ar 3 cylvāku sastuovu pīsoki da 22.09, rokstūt iz jelgova@lgsc.lv.
Leidza naaizmiersti fotoaparatu, var iztikt ar telefonā asūšū!

24. septembrī
LLU Studentu klubā 19 stuņdēs izgleitojūšais seminars par LgSC. Piečuok kinys „Latgale – trīs stāsti” vieršonuos.
Vaira dazynuošonys par Jelgovys pasuokumim, rokstūt iz e-postu: jelgova@lgsc.lv ci zvonūt 287194 92 (Valērijs).

Daugovpilī

23. septembrī
18 stuņdēs Reigys ūļneicā 48-3 sovys durovys attaiseis jaunuos LgSC Daugovpiļs biroja telpys. Birojs īgivs zeimeigu nūsaukumu “Štabiks”. Aicynojom vysus iz atvieršonys svātkim! Vaira dazynuošonys, rokstūt iz e-postu: daugovpils@lgsc.lv ci zvonūt 26216586 (Sandra).

Reigā

25. septembrī
Pasaulī 26. septembrī tiks atzeimāta Eiropys volūdys dīna. LgSC aicynoj iz rodušū darbneicu, kurā varēs apdrukuot krekleņu ci škeivi, krušku ar kaidu latgalisku teicīni. Kruosys byus, leidza jam kraklu ci škeivi, krušku i t.t. Gostus gaideisim LgSC Reigys birojā Antonejis īla 8-3/6 nu 17 leidz 20.

30. septembrī
Foto-orientiešonuos „Vokora styga”. 18 stuņdēs puļciešonuos pi Breiveibys pīminekļa. Komanda, kurys sastuovā var byut 2-3 cylvāku, juodasoka iz epostu reiga@lgsc.lv da 28.septembra. Piec pasuokuma vysi kūpeigi pasaļustēsim Folkklubā Ala. Leidza naaizmiersti fotoaparatu, var iztikt ar telefonā asūšū!

Rēzeknē

24.septembrī
19 stuņdēs byus īsapazeišonuos vokors īkš „Ausmeņa Kebabs”, parunuosim par LgSC, vīns par ūtru i kū lobu varom padareit īkš latgaliskuo i LgSC. Vaira dazynuošonuos, rokstūt iz e-postu rezekne@lgsc.lv ci znonūt 29205413 (Ligija)

Viesti sagataveja: LgSC
Karteņa: “Pyparmātru čaja kauss” Reigā, 2013. goda septembrī. LgSC arhivs

Komentari slāgti.