Vareiba pīsadaleit fotokonkursā “Muna Augšdaugova”!

LaKuGa 30. Septembris, 2014. gods Comments Off on Vareiba pīsadaleit fotokonkursā “Muna Augšdaugova”!

Dobys aizsardzeibys puorvaļde reikoj fotokonkursu “Muna Augšdaugova” vysim interesentim, kurim ir saguojs nūgiut skaistys ci interesantys fotošaļtenis aizsorguojamūs ainovu apvydā “Augšdaugova” – Daugovys īlejā storp Daugovpili, Kruoslovu i Pīdruju. Ka grybot pīsadaleit konkursā, atrūnit sovu skaistuokū “Augšdaugovys” karteņu, kurā radzamys ainovys, augi, dzeivinīki, vysaidi dobys ci kulturviesturis objekti, senvītys voi ari – eimit rudineigajā dobā piec pošu kruosainuokūs skotu! Teik gaideitys ari kartenis, kas uzjimtys sābrūs – pīguļūšajā Boltkrīvejis rūbežjūslā.

Nu lobuokūs konkursā īsnāgtūs dorbu (nūruodūt tūs autorus) tiks izveiduota ceļuojūša karteņu izstuode, kas projektā “Puorrūbežu doba” stuosteis i atainuos eipaši aizsorguojamūs dobys teritoreju ainaviskuos, dobys i kulturviesturiskuos vierteibys Latvejis i Boltkrīvejis pīrūbežā.

Konkursa uzvarātuojim – puorsteiguma bolvys!

Konkursa dalinīkim lyudz īsnīgt dorbus leidz 2014. goda 13. oktobram, syutūt tūs iz e-postu irena.muskare@daba.gov.lv

Konkursa nūlykumu var atrast ite.

Komentari slāgti.